മുംബൈ: മഹാരാഷ്ട്രയിലും ജാര്‍ഖണ്ഡിലും നിയമസഭാ തിരഞ്ഞെടുപ്പില്‍ ബിജെപി സഖ്യം ലീഡ് ചെയ്യുന്നു. മഹാരാഷ്ട്രയിലെ 288 സീറ്റുകളില്‍ വോട്ടെണ്ണല്‍ തുടങ്ങിയ 69 സീറ്റുകളില്‍ ബിജെപി മുന്നണിയായ മഹായുതിയും 21 സീറ്റുകളില്‍ കോണ്‍ഗ്രസ് സഖ്യമായ മഹാവികാസ് അഘാഡിയും ലീഡ് ചെയ്യുന്നു. സ്വതന്ത്ര സ്ഥാനാര്‍ഥികള്‍ മൂന്നുസീറ്റിലും ലീഡ് ചെയ്യുന്നുണ്ട്.
ജാര്‍ഖണ്ഡില്‍ ജെഎംഎം-കോണ്‍ഗ്രസ് സഖ്യം പിന്നിലാണ്. ആകെയുള്ള 81 സീറ്റുകളില്‍ വോട്ടെണ്ണുന്ന 31 സീറ്റുകളില്‍ ബിജെപി സഖ്യവും 12 സീറ്റുകളില്‍ കോണ്‍ഗ്രസും സഖ്യവും ലീഡ് ചെയ്യുന്നു. സ്വതന്ത്രസ്ഥാനാര്‍ഥി ഒരു സീറ്റിലും ലീഡ് ചെയ്യുന്നുണ്ട്.