പാലക്കാട്: മലപ്പുറം കൊടിഞ്ഞി സ്വദേശിയായ യുവാവിനെ പാലക്കാട്ട് ട്രെയിനില്‍നിന്നു വീണ് മരിച്ച നിലയില്‍ കണ്ടെത്തി. നന്നമ്പ്ര കൊടിഞ്ഞി കടുവള്ളൂര്‍ സ്വദേശി പത്തൂര്‍ അലവിയുടെ മകന്‍ പത്തൂര്‍ ഹൈദര്‍ അലി(46)യെയാണ് പറളി മങ്കര പോലിസ് സ്‌റ്റേഷന്‍ പരിധിയിലെ തേനൂരില്‍ മരിച്ച നിലയില്‍ കണ്ടത്. ഇന്ന് പുലര്‍ച്ചെ 1:45ഓടെയാണ് സംഭവം. ചെന്നൈയില്‍ നിന്നു നാട്ടിലേക്കുള്ള യാത്രയ്ക്കിടെ ട്രെയിനില്‍ നിന്നു വീണതാണെന്ന് സംശയിക്കുന്നു. ഭാര്യ: വെളളിയാംപുറം സ്വദേശിനി നജ്മു. മൂന്ന് മക്കളുണ്ട്. മയ്യിത്ത് പാലക്കാട് ജില്ലാ ആശുപത്രി മോര്‍ച്ചറിയില്‍ സൂക്ഷിച്ചിരിക്കുകയാണ്.