ബൊഗോട്ട: ലോകത്തിന്റെ വിവിധ ഭാഗങ്ങളില്‍ നിന്നുള്ള മാംസഭുക്കുകളായ സസ്യങ്ങളെ കൊണ്ടുവന്ന് കൊളംബിയയില്‍ നടത്തുന്ന പ്രദര്‍ശനം ശ്രദ്ധ പിടിച്ചുപറ്റുന്നു. ആകര്‍ഷകമായ നിറവും രൂപവും ഗന്ധവും കൊണ്ട് പ്രാണികളെ കുടുക്കി വിഴുങ്ങുന്ന നൂറുകണക്കിന് സസ്യങ്ങളാണ് കൊളംബിയയുടെ തലസ്ഥാനമായ ബൊഗോട്ടയിലെ ബൊട്ടാണിക്കല്‍ ഗാര്‍ഡനില്‍ നടക്കുന്ന പ്രദര്‍ശനത്തിനുള്ളത്. അന്റാര്‍ട്ടിക്കയില്‍ മാത്രമാണ് മാംസഭുക്കുകളായ സസ്യങ്ങള്‍ ഇല്ലാത്തത് എന്ന് സംഘാടകര്‍ പറഞ്ഞു.
