സൗദിയില്‍ 1132 പേര്‍ക്ക് കൂടി രോഗം സ്ഥിരീകരിച്ചു
രോഗം ബാധിച്ച് ഇന്ന് 5 പേര്‍കൂടി മരിച്ചതോടെ മരണ സംഖ്യ 92 ആയി.
ദമ്മാം: സൗദിയില്‍ പുതുതായി 1132 പേര്‍ക്ക് കൂടി രോഗം സ്ഥിരീകരിച്ചതായി സൗദി ആരോഗ്യ മന്ത്രാലയം അറിയിച്ചു. ഇതോടെ രോഗം സ്ഥിരീകരിച്ചവരുടെ എണ്ണം 8274 ആയി ഉയര്‍ന്നു.
രോഗം ബാധിച്ച് ഇന്ന് 5 പേര്‍കൂടി മരിച്ചതോടെ മരണ സംഖ്യ 92 ആയി. 280 പേര്‍ സുഖം പ്രാപിച്ചതായും ആരോഗ്യ മന്ത്രാലയം വ്യക്തമാക്കി. ഇതോടെ സുഖം പ്രാപിച്ചവരുടെ എണ്ണം 1329 ആയി ഉയര്‍ന്നു. 6853 പേരാണ് നിലവില്‍ ചികിത്സയില്‍ തുടരുന്നത്.
ഇന്ന് രോഗം സ്ഥിരീകരിച്ചത്:
മക്ക-315, ജിദ്ദ-236, റിയാദ്-225, മദീന-186, ദമ്മാം-88, ജുബൈല്‍-27, തബൂക്-13, തായിഫ്-10 ഹുഫൂഫ്-6, ബുറൈദ്-5, കോബാര്‍-4, ഖുന്‍ഫുദ-4, ദഹ്‌റാന്‍-2, അബ് ഹാ-2, ബീഷ-1, അല്‍മദാരീഫ്-1, ഖമീസ് മുശൈത്-1, ഉനൈസ-1, ജീസാന്‍-1, തുറൈബാന്‍-1 അല്‍ ബക്‌രിയ്യ-1, ഹായില്‍-1, അല്‍ജഫര്‍-1.