പാലക്കാട്: സിപിഎം നേതാവും മുന്‍ എംഎല്‍എയുമായ കൊല്ലങ്കോട് മുതലമട പള്ളം ഹൗസില്‍ ടി ചാത്തു (88) അന്തരിച്ചു. വാര്‍ധക്യ സഹജമായ അസുഖത്തെ തുടര്‍ന്ന് ഏറെ നാളുകളായി വീട്ടില്‍ വിശ്രമത്തിലായിരുന്നു. തിങ്കളാഴ്ച രാവിലെ 10.30ഓടെയാണ് മരണം. സംസ്‌കാരം ചൊവ്വാഴ്ച രാവിലെ ഒമ്പതിന് വീട്ടുവളപ്പില്‍ നടക്കും. കര്‍ഷകത്തൊഴിലാളി യൂനിയന്‍ അഖിലേന്ത്യ വര്‍ക്കിങ് കമ്മിറ്റി അംഗം, സിപിഎം പാലക്കാട് ജില്ലാ കമ്മിറ്റിയംഗം, ജില്ലാ സെക്രട്ടേറിയറ്റ് അംഗം എന്നീനിലകളില്‍ പ്രവര്‍ത്തിച്ച ചാത്തു 1991 മുതല്‍ 1996 വരെ കൊല്ലങ്കോട് മണ്ഡലത്തില്‍ നിന്നു നിയമസഭാ അംഗമായി തിരഞ്ഞെടുക്കപ്പെട്ടു. നിലവില്‍ സിപിഎം മുതലമട ലോക്കല്‍ കമ്മിറ്റിയംഗമാണ്. ഭാര്യ: ശകുന്തള. മക്കള്‍: തിരുച്ചന്ദ്രന്‍(സിപിഎം മുതലമട ലോക്കല്‍ സെക്രട്ടറി), രവിചന്ദ്രന്‍(അധ്യാപകന്‍), സതീഷ്ചന്ദ്രന്‍(ദേശാഭിമാനി, പാലക്കാട്), പുഷ്പലത(അധ്യാപിക), നിര്‍മലത (തൃശൂര്‍). മരുമക്കള്‍: പ്രിയ, സരിത(ജില്ലാ സഹകരണ ബാങ്ക്), ബിന്‍സി(അധ്യാപിക), ബിജു(അധ്യാപകന്‍), തേജാറാം (ഗള്‍ഫ്).
CPM leader and former MLA T Chathu has passed away