ന്യൂഡല്‍ഹി: മുന്‍ പ്രധാനമന്ത്രിയും ജെഡിഎസ് നേതാവുമായ എച്ച് ഡി ദേവഗൗഡക്ക് കൊവിഡ് 19 സ്ഥിരീകരിച്ചു. തന്റെ ട്വിറ്റര്‍ പേജിലൂടെ ദേവഗൗഡ തന്നേയാണ് തനിക്കും ഭാര്യക്കും കൊവിഡ് സ്ഥിരീകരിച്ച കാര്യം അറിയിച്ചത്. താനും കുടുംബവും സ്വയം നിരീക്ഷണത്തില്‍ കഴിയുകയാണെന്നും നേരിട്ട് ബന്ധപ്പെട്ടവര്‍ നിരീക്ഷണത്തില്‍ കഴിയണമെന്നും ദേവഗൗഡ ട്വിറ്ററിലൂടെ അറിയിച്ചു.
അടുത്ത ദിവസങ്ങളിലായി രാജ്യത്ത് കൊവിഡ് വ്യാപനം വര്‍ദ്ധിച്ചതായാണ് റിപ്പോര്‍ട്ട്. കഴിഞ്ഞ 24 മണിക്കൂറിനിടെ രാജ്യത്ത് 53480 പേര്‍ക്കാണ് കൊവിഡ് സ്ഥിരീകരിച്ചത്. 354 പേര്‍ മരിച്ചു.