ന്യൂഡല്‍ഹി: ഐഎന്‍എസ് സൂറത്ത് യുദ്ധക്കപ്പലില്‍ നിന്നും മിസൈല്‍ പരീക്ഷിച്ച് നാവികസേന. മധ്യദൂര ഉപരിതല-വ്യോമ മിസൈല്‍ സംവിധാനം (എംആര്‍സാം) ഉപയോഗിച്ച് 'സീ സ്‌കിമിങ്' മിസൈലുകളെ തകര്‍ക്കുന്ന പരീക്ഷണമാണ് വിജയം കണ്ടത്. അറബിക്കടലായിരുന്നു പരീക്ഷണവേദി. എതിരാളികളുടെ റഡാറുകളുടെയും ഇന്‍ഫ്രാറെഡ് സംവിധാനങ്ങളുടെയും കണ്ണുവെട്ടിക്കാന്‍ മിസൈലുകള്‍ ജലോപരിതലത്തിന് തൊട്ടുമുകളിലൂടെ വേഗത്തില്‍ പറക്കുന്ന രീതിയെയാണ് സീ സ്‌കിമ്മിങ് എന്ന് വിളിക്കുന്നത്.
#WATCH | Indian Navy's latest indigenous guided missile destroyer INS Surat successfully carried out precision cooperative engagement of sea skimming target marking another milestone in strengthening our defense capabilities.
— ANI (@ANI) April 24, 2025
(Source: Indian Navy) pic.twitter.com/qs4MZTCzPS
കറാച്ചിയില്‍ നിന്നു മിസൈല്‍ പരീക്ഷണം നടത്തുമെന്നു പാകിസ്താന്‍ പറഞ്ഞതിനു പിന്നാലെയാണ് ഇന്ത്യയുടെ പരീക്ഷണം. ഇസ്രയേലുമായി ചേര്‍ന്ന് വികസിപ്പിച്ചെടുത്ത എംആര്‍സാം സംവിധാനത്തിന് 70 കിലോമീറ്റര്‍ വരെയുള്ള ലക്ഷ്യങ്ങളെ ആക്രമിക്കാന്‍ സാധിക്കും.