തെഹ്‌റാന്‍: ഭൂഗര്‍ഭ മിസൈല്‍ നഗരത്തിന്റെ ദൃശ്യങ്ങള്‍ പുറത്തുവിട്ട് ഇറാനിലെ ഇസ്‌ലാമിക് റെവല്യൂഷന്‍ ഗാര്‍ഡ് കോപ്‌സ്. ആയിരക്കണക്കിന് മിസെലുകള്‍ സൂക്ഷിച്ചിരിക്കുന്ന വലിയ ഒരു ഭൂഗര്‍ഭ നഗരത്തിന്റെ ദൃശ്യങ്ങളാണ് പുറത്തുവന്നിരിക്കുന്നത്. എമാദ്, സെജില്‍, ഖാദര്‍ എച്ച്, ഖൈബര്‍ ഷെകാന്‍, ഹജ് ഖാസിം എന്നീ മിസൈലുകള്‍ ഇതില്‍ അടങ്ങിയിരിക്കുന്നു. ഇറാന്റെ ഉരുക്കുകരം മുമ്പത്തേക്കാള്‍ ശക്തമാണെന്ന് സായുധസേനകളുടെ മേധാവിയായ മേജര്‍ ജനറല്‍ മുഹമ്മദ് ഹുസൈന്‍ ബാഗേരി പറഞ്ഞു. ഇസ്രായേലിന് എതിരെ നടത്തിയ ഓപ്പറേഷന്‍ ട്രൂ പ്രോമിസ്-രണ്ടിനേക്കാള്‍ ഇറാന്റെ മിസൈല്‍ ശേഷി പത്ത് മടങ്ങ് വര്‍ധിച്ചതായും അദ്ദേഹം പറഞ്ഞു. ഓപ്പറേഷന്‍ ട്രൂ പ്രോമിസ്-രണ്ടില്‍ ഇറാന്‍ ഇസ്രായേലിലേക്ക് അയച്ച മിസൈലുകളില്‍ 90 ശതമാനവും ലക്ഷ്യത്തില്‍ കൊണ്ടിരുന്നു.
JUST IN: 🇮🇷 Iran unveils new underground missile city. pic.twitter.com/0013tNolDI
— BRICS News (@BRICSinfo) March 25, 2025