ലോ കോളജ് സംഘര്‍ഷം; എസ്എഫ്‌ഐയെ നിരോധിക്കണം:ഹൈബി ഈഡന്‍ എം പി
തിരുവനന്തപുരം ലോ കോളജില്‍ വനിതാ പ്രവര്‍ത്തക ഉള്‍പ്പെടെയുള്ളവരെ അതി ക്രൂരമായി മര്‍ദ്ദിച്ച പശ്ചാത്തലത്തിലാണ് എംപി ലോക്‌സഭയില്‍ വിഷയം ഉന്നയിച്ചത്
ന്യൂഡല്‍ഹി:എസ്എഫ്‌ഐയെ നിരോധിക്കണമെന്ന് ഹൈബി ഈഡന്‍ എംപി ലോക്‌സഭയില്‍.കഴിഞ്ഞ ദിവസം രാത്രിയില്‍ തിരുവനന്തപുരം ലോ കോളജില്‍ വനിതാ പ്രവര്‍ത്തക ഉള്‍പ്പെടെയുള്ളവരെ അതി ക്രൂരമായി മര്‍ദ്ദിച്ച പശ്ചാത്തലത്തിലാണ് എംപി ലോക്‌സഭയില്‍ വിഷയം ഉന്നയിച്ചത്.
എസ്എഫ്‌ഐ നിരന്തരമായി വിദ്യാര്‍ഥികളെ ക്രൂരമായി മര്‍ദ്ദിക്കുകയും അവരുടെ മൗലിക അവകാശങ്ങള്‍ പോലും നിഷേധിക്കുകയും ചെയ്യുകയാണെന്ന് എംപി ലോകസഭയില്‍ ഉന്നയിച്ചു.എസ്എഫ്‌ഐക്കാരുടെ ആക്രമണത്തെ സംസ്ഥാന സര്‍ക്കാര്‍ പ്രോത്സാഹിപ്പിക്കുകയാണെന്നും എം പി വ്യക്തമാക്കി.ലോ കോളജിലെ സംഘര്‍ഷവുമായി ബന്ധപ്പെട്ട് സംസ്ഥാനസര്‍ക്കാരിന്റെ ഭാഗത്ത് നിന്നും ഇടപെടല്‍ നടക്കുന്നില്ല അതുകൊണ്ട് കേന്ദ്രസര്‍ക്കാര്‍ ഇടപെടണമെന്നും ഹൈബി ഈഡന്‍ ആവശ്യപ്പെട്ടു.