യുപി ഷാഹി ജുമാ മസ്ജിദ് വെടിവയ്പ്: അടിയന്തര പ്രമേയത്തിന് നോട്ടീസ് നല്‍കി ഒവൈസി
ന്യൂഡല്‍ഹി: ഉത്തര്‍പ്രദേശിലെ ഷാഹി ജുമാ മസ്ജിദ് പരിസരത്ത് നാലു മുസ്‌ലിം യുവാക്കളെ വെടിവച്ചു കൊന്ന സംഭവം ചര്‍ച്ച ചെയ്യണമെന്നാവശ്യപ്പെട്ട് ഹൈദരാബാദ് എംപി അസദുദ്ദീന്‍ ഒവൈസി ലോക്‌സഭാ സ്പീക്കര്‍ക്ക് നോട്ടിസ് നല്‍കി. പ്രതിഷേധിക്കാന്‍ ഭരണഘടന പൗരന്‍മാര്‍ക്ക് അവകാശം നല്‍കുന്നതായി ഒവൈസി നല്‍കിയ നോട്ടിസ് പറയുന്നു. ഈ അവകാശം നടപ്പാക്കുക മാത്രമാണ് പ്രദേശത്തെ മുസ്‌ലിംകള്‍ ചെയ്തത്. വളരെ ഗൗരവമേറിയ വിഷയമായതിനാല്‍ വെടിവയ്പ്പും കൊലപാതകവും ചര്‍ച്ച ചെയ്യണമെന്നാണ് ഒവൈസിയുടെ ആവശ്യം.