തിരുവനന്തപുരം: ഇസ്രായേല്‍ ഫലസ്തീനില്‍ തുടരുന്ന നരഹത്യയ്ക്കും ബോംബാക്രമണങ്ങള്‍ക്കുമെതിരേ അന്താരാഷ്ട്ര സമൂഹം പുലര്‍ത്തുന്ന മൗനം അപലപനീയമാണെന്നു കെഎംവൈഎഫ് സംസ്ഥാന സെക്രട്ടേറിയേറ്റ്. സെമിറ്റിക് വിരുദ്ധതയ്‌ക്കെതിരേ വാചാലമാവുന്ന പശ്ചാത്യ മുതലാളി രാഷ്ട്രങ്ങള്‍ ഇസ് ലാമിക വിഷയങ്ങളില്‍ തുടരുന്ന മൗനം അര്‍ത്ഥഗര്‍ഭമാണ്. ആരും സഹായത്തിനില്ലാത്ത ഫലസ്തീനികള്‍ക്ക് വിശ്വാസി സമൂഹത്തിന്റെ പ്രാര്‍ത്ഥന ഏറെ ആവശ്യമുള്ള സമയമാണിത്. ഈയവസരത്തില്‍ ദക്ഷിണ കേരള ജംഇയ്യത്തുല്‍ ഉലമ ആഹ്വാനം ചെയ്ത പ്രാര്‍ത്ഥനാ ദിനത്തില്‍ മുഴുവന്‍ പേരും പങ്കാളികളായി ഫലസ്തീനികള്‍ക്കായി മനമുരുകി പ്രാര്‍ത്ഥിക്കണമെന്ന് കെഎംവൈഎഫ് അഭ്യര്‍ത്ഥിച്ചു.
Pray for Palastine against Israeli Genocide: KMYF