താനൂര്‍ ബോട്ട് ദുരന്തത്തില്‍ മരണപ്പെട്ട യുവാവിന്റെ സ്‌കൂട്ടര്‍ മോഷണം പോയി
പരപ്പനങ്ങാടി: താനൂര്‍ തൂവല്‍ തീരം ബോട്ടപകടത്തില്‍ മരണപ്പെട്ട താനൂരിലെ കെ പി സിദ്ദീഖിന്റെ ഇരുചക്രവാഹനം മോഷണം പോയി. തൂവല്‍ തീരത്ത് നിര്‍ത്തിയിട്ടതായിരുന്നു. ബോട്ട് യാത്ര നടത്താനായി മക്കളായ ഫാത്തിമ മിന്‍ഹ (12), മുഹമ്മദ് ഫൈസാന്‍(3), ഫാത്തിമ റജ് വ എന്നിവരോടൊത്ത് തീവല്‍ തീരത്തെത്തിയത്. ഫാത്തിമ റജ് വ ഇപ്പോഴും ചികില്‍സയിലാണ്. മറ്റു രണ്ടു പേരും സിദ്ദിഖുമാണ് മരണത്തിന് കീഴടങ്ങിയത്. അപകടം നടന്നതിന്റെ പിറ്റേന്ന് ഉച്ചവരെ വാഹനം തൂവല്‍ തീരത്തുണ്ടായിരുന്നു. എന്നാല്‍ വൈകീട്ട് വാഹനം കാണാതായെന്നാണ് പരാതി.