സുപ്രിംകോടതി അഭിഭാഷകനും മനുഷ്യാവകാശ പ്രവര്‍ത്തകനുമായ ഇഹ്തിഷാം ഹാഷ്മി അന്തരിച്ചു
ന്യൂഡല്‍ഹി: സുപ്രിംകോടതി അഭിഭാഷകനും ഹിന്ദുത്വ ശക്തികള്‍ക്കെതിരേ നിരന്തരം ശബ്ദമുയര്‍ത്തിയ മനുഷ്യാവകാശ സംരക്ഷകനുമായ ഇഹ്തിസാം ഹാഷ്മി അന്തരിച്ചു. ഹൃദയാഘാതത്തെത്തുടര്‍ന്ന് ഇന്ന് രാവിലെ ഡല്‍ഹിയിലായിരുന്നു അന്ത്യം. ത്രിപുരയിലെ മുസ്‌ലിം വിരുദ്ധ അക്രമങ്ങളില്‍ അടുത്തിടെ നടന്ന വസ്തുതാന്വേഷണ സന്ദര്‍ശനം ഉള്‍പ്പെടെ നിരവധി വസ്തുതാന്വേഷണ സംഘങ്ങളുടെ ഭാഗമായിരുന്നു.
കടുത്ത ഹിന്ദുത്വ വിമര്‍ശകനായാണ് ഹാഷ്മി അറിയപ്പെട്ടിരുന്നത്. ഹാഷ്മിയുടെ മരണത്തില്‍ അനുശോചനം രേഖപ്പെടുത്തി മനുഷ്യാവകാശ, സമൂഹിക പ്രവര്‍ത്തകരുള്‍പ്പെടെ നിരവധി പേരാണ് സോഷ്യല്‍ മീഡിയയില്‍ രംഗത്തെത്തിയത്. ഹാഷ്മിയുടെ മരണം അദ്ദേഹത്തിന്റെ കുടുംബത്തിനും സുഹൃത്തുക്കള്‍ക്കും മാത്രമല്ല, ലോകത്തെ നീതി പുലരണമെന്ന് ആഗ്രഹിക്കുന്ന സമൂഹത്തിനും വലിയൊരു നഷ്ടമാണെന്നാണ് പലരും കുറിച്ചത്.