സെന്‍കുമാര്‍ നമ്പി നാരായണനെ കുടുക്കാന്‍ ശ്രമിച്ചെന്ന് സര്‍ക്കാര്‍ ഹൈക്കോടതിയില്‍

കൊച്ചി: സംസ്ഥാന മുന്‍ പോലിസ് മേധാവി ടി പി സെന്‍കുമാര്‍ നമ്പി നാരായണനെ കേസില്‍ കുടുക്കാന്‍ ശ്രമിച്ചെന്ന പരാതിയുമായി സര്‍ക്കാര്‍ ഹൈക്കോടതിയില്‍. അഡ്മിനിസ്‌ട്രേറ്റ് െ്രെടബ്യൂണല്‍ നിയമനവുമായി ബന്ധപ്പെട്ട ഹര്‍ജിയിലാണ് സംസ്ഥാന സര്‍ക്കാരിന്റെ സത്യവാങ്മൂലം. നമ്പി നാരായണന്റെ പരാതിയില്‍ സെന്‍കുമാര്‍ ഏഴാമത്തെ എതിര്‍കക്ഷിയാണെന്നും കേസ് തീര്‍പ്പാവാതെ നിയമനം നടത്താനാവില്ലെന്നും സര്‍ക്കാര്‍ ഹൈക്കോടതിയെ അറിയിച്ചു. നേരത്തെ ചുമത്തിയ മൂന്നുകേസുകള്‍ അടിസ്ഥാനമില്ലെന്ന് കണ്ട് ഹൈക്കോടതി തള്ളിയതിനു പിന്നാലെയാണ് സര്‍ക്കാരിന്റെ പുതിയ സത്യവാങ്മൂലം.