വനിതാദിനത്തില്‍ ഓങ്ങല്ലൂരില്‍ സ്ത്രീജ്വാല സംഗമം സംഘടിപ്പിച്ചു

ഓങ്ങല്ലൂര്‍ (പട്ടാമ്പി ): അന്താരാഷ്ട്ര വനിതാ ദിനമായ മാര്‍ച്ച് എട്ടിന് നാഷനല്‍ വിമന്‍സ് ഫ്രണ്ട് പാലക്കാട് ജില്ല കമ്മിറ്റിയുടെ നേതൃത്വത്തില്‍ 'മാറ്റത്തിനായ് നമുക്ക് ശബ്ദിക്കാം' എന്ന പ്രമേയത്തില്‍ ഓങ്ങല്ലൂരില്‍ സ്ത്രീജ്വാല സംഗമം സംഘടിപ്പിച്ചു. നാഷനല്‍ വിമന്‍സ് ഫ്രണ്ട് പാലക്കാട് ജില്ലാ പ്രസിഡന്റ് ലിഫാഫത് വനിതാദിന സന്ദേശം നല്‍കി. തുടര്‍ന്ന് ഷഹീന്‍ ബാഗ് സമരനായിക ബില്‍ക്കിസ് ദാദി യെ അനുകരിച്ചു ഏകാംഗ നാടകം, കവിതാലാപനം, വിപ്ലവഗാനം ഉള്‍പ്പെടെ വിവിധ കലാപരിപാടികള്‍ അവതരിപ്പിച്ചു. ബാബരി മസ്ജിദ് ദിനാചരണ ഭാഗമായി സംഘടിപ്പിച്ച സംസഥാനതല ക്വിസ് മത്സരത്തില്‍ ഒന്നാം സ്ഥാനം നേടിയ ഷംസീറ റഷീദ് കാരക്കുതിന്നു നാഷണല്‍ വിമെന്‍സ് ഫ്രണ്ട് സംസ്ഥാന കമ്മിറ്റിഅംഗം ശരീഫ റഹീം മോമെന്റോയും ക്യാഷ് അവാര്‍ഡും സമ്മാനിച്ചു.

ഓങ്ങല്ലൂര്‍ ഗ്രാമ പഞ്ചായത് വാര്‍ഡ് മെമ്പര്‍മാരായ നഷീജാ മുസ്തഫ (16 വാര്‍ഡ് ) ഹസീന ടീച്ചര്‍ (12 വാര്‍ഡ് ) റജീന (11 വാര്‍ഡ് )എന്നിവര്‍ ആശംസകള്‍ നേര്‍ന്നു.