ഉത്തരാഖണ്ഡ് മന്ത്രിയുടെ മകന്‍ കാറപകടത്തില്‍ കൊല്ലപ്പെട്ടു

ബറേലി: ഉത്തരാഖണ്ഡ് മന്ത്രി അരവിന്ദ് പാണ്ഡെയുടെ മകന്‍ അങ്കുര്‍ പാണ്ഡെ കാറപകടത്തില്‍ കൊല്ലപ്പെട്ടു. ഉത്തര്‍പ്രദേശിലെ ബറേലി ജില്ലയിലെ ഫരീദാപൂരില്‍ വച്ചായിരുന്നു അപകടം. ബുധനാഴ്ച പുലര്‍ച്ചെ 3 മണിയോടെ സംഭവം. എതിര്‍ദിശയില്‍ നിന്നും വരികയായിരുന്ന ട്രക്കുമായി കൂട്ടിയിടിച്ചാണ് അപകടം. കാറിലുണ്ടായിരുന്ന രണ്ടുപേര്‍ കൂടി മരിച്ചിട്ടുണ്ട്. ഒരാള്‍ക്ക് ഗുരുതരമായി പരിക്കേല്‍ക്കുകയും ചെയ്തു. ഗോരഖ്പൂരില്‍ ഒരു വിവാഹചടങ്ങില്‍ പങ്കെടുക്കാന്‍ പോവുകയായിരുന്നു സംഘം. അപകടകാരണം വ്യക്തമല്ല. കാര്‍ ഡ്രൈവര്‍ ഉറങ്ങിയതാണെന്ന് റിപ്പോര്‍ട്ടുണ്ട്. സംഭവത്തില്‍ അന്വേഷണം നടക്കുകയാണ്.