ജര്‍മ്മന്‍ താരം അന്റോണിയോ റൂഡിഗര്‍ റയല്‍ മാഡ്രിഡില്‍

മാഡ്രിഡ്: ചെല്‍സി സ്റ്റാര്‍ ഡിഫന്‍ഡര്‍ അന്റോണിയോ റൂഡിഗര്‍ റയല്‍ മാഡ്രിഡിലേക്ക്. ചെല്‍സിയില്‍ കരാര്‍ അവസാനിച്ച റൂഡിഗര്‍ ഫ്രീ ട്രാന്‍സ്ഫറിലാണ് സ്‌പെയിനിലെത്തുന്നത്. നാല് വര്‍ഷത്തേക്കാണ് 27കാരനായ റൂഡിഗര്‍ റയലില്‍ കരാര്‍ ഒപ്പുവച്ചത്. 2017ലാണ് താരം റോമയില്‍ നിന്ന് ചെല്‍സിയിലെത്തുന്നത്. ജര്‍മ്മന്‍ താരത്തെ നിലനിര്‍ത്താന്‍ ചെല്‍സി ശ്രമിച്ചെങ്കിലും ചര്‍ച്ച പരാജയപ്പെടുകയായിരുന്നു. ചെല്‍സിക്കൊപ്പം എഫ് എ കപ്പ്, ചാംപ്യന്‍സ് ലീഗ്, യൂറോപ്പാ ലീഗ്, യുവേഫാ സൂപ്പര്‍ കപ്പ്, ക്ലബ്ബ് വേള്‍ഡ് കപ്പ് എന്നിവയും നേടിയിരുന്നു.