ഇഞ്ചുറി ടൈം പെനാല്‍റ്റിയില്‍ എഫ് സി പോര്‍ട്ടോ

റോം: ഇഞ്ചുറി ടൈം പെനാല്‍റ്റിയിലൂടെ ഇറ്റാലിയന്‍ ക്ലബ്ബായ റോമയെ തകര്‍ത്ത് എഫ്‌സി പോര്‍ട്ടോ ചാംപ്യന്‍സ് ലീഗ് ക്വാര്‍ട്ടറില്‍ കടന്നു. ചാംപ്യന്‍സ് ലീഗ് പ്രീക്വാര്‍ട്ടറില്‍ ഇന്ന് നടന്ന രണ്ടാമത്തെ മല്‍സരത്തിലും രക്ഷകനായത് വാര്‍ തന്നെയായിരുന്നു. ആദ്യപാദത്തില്‍ 2-1ന് ജയിച്ച റോമയെ രണ്ടാം പാദത്തില്‍ 1-3 നാണ് പോര്‍ച്ചുഗ്രീസ് ക്ലബ്ബ് പോര്‍ട്ടോ തോല്‍പ്പിച്ചത്.

ഇരുപാദങ്ങളിലൂമായി 4-3 ന്റെ ജയം. ഫ്രാന്‍സിസ്‌കോ സോറസാണ് (26) പോര്‍ട്ടോയെ ആദ്യം മുന്നിലെത്തിച്ചത്.എന്നാല്‍ റോമയുടെ ഡി റോസി (37) ടീമിനായി ഒരു ഗോള്‍ സ്‌കോര്‍ ചെയ്തു. ഒപ്പമെത്തിച്ചു. 52ാം മിനിറ്റില്‍ മറെഗയുടെ സൂപ്പര്‍ ഗോളിലൂടെ പോര്‍ട്ടോ വീണ്ടും ഒരു ഗോള്‍. തുടര്‍ന്ന് സ്‌കോര്‍ 3-3 എന്ന നിലയിലായതിനെ തുടര്‍ന്ന് മല്‍സരം അധിക സമയത്തേക്ക് നീട്ടി വച്ചു. 117ാം മിനിറ്റില്‍ വാറിന്റെ പിന്‍ബലത്തില്‍ പോര്‍ട്ടോയ്ക്കനുകൂലമായി ഒരു പെനാല്‍റ്റി.

ലക്ഷ്യത്തിലെത്തിച്ചത് അലക്‌സ് ടെല്ലോസ്. 4-3 ന്റെ ആധികാരിക ജയവുമായി പോര്‍ട്ടോയും ക്വാര്‍ട്ടര്‍ ടിക്കറ്റെടുത്തു. പോര്‍ട്ടോ താരം ഫെര്‍ണാണ്ടോയെ റോമാ താരം അലെസ്സാന്‍ഡ്രോ ഫ്‌ളോറെന്‍സി പിറകില്‍ നിന്ന് വലിച്ചിട്ടതിനെ തുടര്‍ന്നാണ് വാര്‍ പെനാല്‍റ്റി വിധിച്ചത്. 2014നു ശേഷം ആദ്യമായാണ് പോര്‍ട്ടോയുടെ ചാംപ്യന്‍സ് ലീഗ് ക്വാര്‍ട്ടര്‍ പ്രവേശനം.