അമ്പെയ്ത്തില്‍ ദീപിക കുമാരിയും ബാഡ്മിന്റണില്‍ സിന്ധുവും മുന്നോട്ട്

ടോക്കിയോ: ഒളിംപിക്‌സില്‍ അമ്പെയ്ത്തില്‍ ഇന്ത്യയുടെ അവസാന പ്രതീക്ഷയായ ദീപിക കുമാരി പ്രീക്വാര്‍ട്ടറില്‍ പ്രവേശിച്ചു. വനിതകളുടെ വ്യക്തിഗതാ ഇനത്തിലാണ് താരത്തിന്റെ ജയം. ഭൂട്ടാന്റെ കര്‍മയെ 26-23, 26-23, 27-24 സെറ്റുകള്‍ക്കാണ് പരാജയപ്പെടുത്തിയത്. നേരത്തെ പുരുഷ താരങ്ങളായ പ്രവീണ്‍ ജാദവും തരുണ്‍ദീപ് റായിയും പുറത്തായിരുന്നു.

ബാഡ്മിന്റണില്‍ പി വി സിന്ധു പ്രീക്വാര്‍ട്ടറില്‍ കടന്നു.ഹോംകോങിന്റെ ചിയൂങിനെ 21-9 21-16 സ്‌കോറിനാണ് സിന്ധു തോല്‍പ്പിച്ചത്. പ്രീക്വാര്‍ട്ടറില്‍ ഡെന്‍മാര്‍ക്കിന്റെ മിയാ ബ്ലിഷ്‌ഫെഡറ്റിനെയാണ് സിന്ധു നേരിടുക.