ബല്‍ഗ്രേഡ്: നിലവിലെ പ്രീമിയര്‍ ലീഗില്‍ നാല് ഗോളുമായി ഒന്നാമത് നില്‍ക്കുന്ന ഫുള്‍ഹാം സ്‌ട്രൈക്കര്‍ അലക്‌സാണ്ടര്‍ മിട്രോവിച്ചിന്റെ ഇരട്ടഗോള്‍ മികവില്‍ യുവേഫ നാഷന്‍സ് ലീഗില്‍ സെര്‍ബിയക്ക് സമനില. താരത്തിന്റെ മികവില്‍ റൊമാനിയയോട് 2-2നാണ് സെര്‍ബിയ മല്‍സരം അവസാനിപ്പിച്ചത്. ഇതോടെ സെര്‍ബിയ സി ലീഗിലെ നാലാം ഗ്രുപ്പില്‍ രണ്ടാം സ്ഥാനത്തേക്കുയര്‍ന്നു.
റൊമാനിയയ്‌ക്കെതിരേ രണ്ട് തവണ മുന്നില്‍ നിന്ന ശേഷമാണ് സെര്‍ബിയ സമനില വഴങ്ങിയത്. മിട്രോവിച്ചില്‍ നിന്നും ഗോള്‍വേട്ട പ്രതീക്ഷിച്ചു കൊണ്ട് താരത്തെ ആക്രമണത്തില്‍ നിര്‍ത്തിയാണ് സെര്‍ബിയ കളി മെനഞ്ഞത്. പന്തടക്കത്തിലും ഗോള്‍ശ്രമത്തിലും സെര്‍ബിയയ്ക്കായിരുന്നു കളിയില്‍ മുന്‍തൂക്കം.
