ഭാരത് ബന്ദ് കേരളത്തില്‍ ബാധിച്ചേക്കില്ല; കടകള്‍ തുറക്കുമെന്ന് വ്യാപാരികള്‍
40,000 വ്യാപാര സംഘടനകള്‍ ബന്ദിന് പിന്തുണയര്‍പ്പിച്ചതായാണ് കോണ്‍ഫെഡറേഷന്‍ ഓഫ് ഓള്‍ ഇന്ത്യ േ്രടഡേഴ്‌സ് ഭാരവാഹികള്‍ അവകാശപ്പെട്ടത്. ഓള്‍ ഇന്ത്യ ട്രാന്‍സ്‌പോര്‍ട്ട് വെല്‍ഫയര്‍ അസോസിയേഷനും(എഐടിഡബ്ല്യുഎ) ബന്ദിന് പിന്തുണയര്‍പ്പിച്ചിട്ടുണ്ട്. റോഡ് ഉപരോധം തുടങ്ങിയ സമരപരിപാടികളാണ് നടത്തുകയെന്ന് എഐടിഡബ്ല്യുഎ അറിയിച്ചു. എന്നാല്‍, കേരളത്തിലെ വാഹന ഗതാഗത രംഗത്തെ സംഘടനകളൊന്നും ബന്ദിന് അനുകൂലമല്ലാത്തതിനാല്‍ വാഹന ഗതാഗതത്തെയും ബാധിച്ചേക്കില്ല.
കേരള വ്യാപാരി വ്യവസായി ഏകോപന സമിതി ശ്യാം ബിഹാരി മിശ്ര പ്രസിഡന്റായ ദേശീയ തലത്തില്‍ ഭാരത് ഉദ്യോഗ വ്യാപാര മണ്ഡല്‍ എന്ന സംഘടനയുമായാണ് സഹകരിക്കുന്നത്. രാജ്യത്തെ എല്ലാ സംസ്ഥാനങ്ങളിലും അനുബന്ധ സംഘടനകളുള്ള ഭാരത് ഉദ്യോഗ വ്യാപാര മണ്ഡല്‍ നാളത്തെ ബന്ദില്‍ നിന്ന് വിട്ടുനില്‍ക്കുമെന്ന് ദേശീയ വൈസ് പ്രസിഡന്റ് കൂടിയായ നസിറുദ്ദീന്‍ അറിയിച്ചു. തൊഴിലാളി സംഘടനകളൊന്നും തന്നെ ഹര്‍ത്താലിനെ പിന്തുണച്ച് രംഗത്തെത്തിയിട്ടില്ല.
Bharat Bandh may not affect Kerala; Traders say shops will open