രാജ്യത്ത് കൊവിഡ് കേസുകള്‍ കുറയുന്നു;ടിപിആര്‍ രണ്ടിലേക്ക്,പുതിയ കേസുകളില്‍ മൂന്നിലൊന്ന് കേരളത്തില്‍
ന്യൂഡല്‍ഹി: രാജ്യത്ത് കൊവിഡ് കേസുകള്‍ കുറയുന്നു. ഇന്നലെ 27,409 പേര്‍ക്കാണ് കൊവിഡ് സ്ഥിരീകരിച്ചത്. ടെസ്റ്റ് പോസിറ്റിവിറ്റി നിരക്ക് 2.23 ശതമാനമായി താഴ്ന്നതായി സര്‍ക്കാര്‍ കണക്കുകള്‍ വ്യക്തമാക്കുന്നു.പുതിയ കേസുകളില്‍ മൂന്നിലൊന്ന് കേരളത്തില്‍ നിന്നാണ്.കേരളത്തില്‍ ഇന്നലെ 8989 പേര്‍ക്കാണ് കൊവിഡ് സ്ഥിരീകരിച്ചത്.
പുതുതായി 82,817 പേര്‍ കൊവിഡ് മുക്തി നേടി. നിലവില്‍ 4,23,127 പേരാണ് ചികിത്സയില്‍ കഴിയുന്നത്.24 മണിക്കൂറിനിടേ 347 പേര്‍ കൊവിഡ് വന്ന് മരിച്ചതായി കേന്ദ്ര ആരോഗ്യമന്ത്രാലയ കണക്കുകള്‍ വ്യക്തമാക്കുന്നു.കഴിഞ്ഞദിവസം രാജ്യത്ത് 34,113 പേര്‍ക്കാണ് കൊവിഡ് സ്ഥിരീകരിച്ചത്.ടെസ്റ്റ് പോസിറ്റിവിറ്റി നിരക്ക് 3.19 ശതമാനമായിരുന്നു.