കുടുംബശ്രീ സംഘം സഞ്ചരിച്ച ബസ് മറിഞ്ഞ് മൂന്നുപേര്‍ മരിച്ചു

പാലക്കാട്: പാലക്കാട്: പാലക്കാട് നിന്ന് മധുരയിലേക്ക് പോയ ബസ് മറിഞ്ഞ് മൂന്നുപേര്‍ മരിച്ചു. കുടുംബശ്രീ വിനോദ സംഘം സഞ്ചരിച്ച ബസ് മറിഞ്ഞ് മൂന്നു സ്ത്രീകളാണ് മരിച്ചത്. കൊടുവായൂര്‍ സ്വദേശികളായ സരോജിനി(65), പെട്ടമ്മാള്‍(68), കുനിശ്ശേരി സ്വദേശിനി നിഖില(എട്ട്) എന്നിവരാണ് മരിച്ചത്. പരിക്കേറ്റവരെ മധുര സര്‍ക്കാര്‍ ആശുപത്രിയിലും സാത്തൂര്‍ ജനറല്‍ ആശുപത്രിയിലും പ്രവേശിപ്പിച്ചു. വിനോദയാത്ര കഴിഞ്ഞ് പാലക്കാട്ടേക്ക് മടങ്ങുന്നതിനിടെയായിരുന്നു അപകടം. അപകടത്തില്‍ ബസ്സിന്റെ മൂന്‍ഭാഗം പൂര്‍ണമായും തകര്‍ന്നു.