ആര്‍ക്കിടെക്ചര്‍/പ്ലാനിങ് വിഷയങ്ങളില്‍ പിച്ച്ഡി
മുന്‍നിര സ്ഥാപനങ്ങളിലൊന്നില്‍നിന്നും ബന്ധപ്പെട്ട വിഷയത്തില്‍ പ്ലാനിങ്/ആര്‍ക്കിടെക്ചര്‍ പിജി ബിരുദം ഉണ്ടായിരിക്കണം.
സ്‌കൂള്‍ ഓഫ് പ്ലാനിങ് ആന്‍ഡ് ആര്‍ക്കിടെക്ചര്‍ (എസ്പിഎ) വിജയവാഡ പിഎച്ച്ഡി പ്രവേശനത്തിന് അപേക്ഷിക്കാം. ആര്‍ക്കിടെക്ചര്‍/പ്ലാനിങ് വിഷയങ്ങളിലാണ് ഗവേഷണംനടത്താന്‍ അവസരം. മുന്‍നിര സ്ഥാപനങ്ങളിലൊന്നില്‍നിന്നും ബന്ധപ്പെട്ട വിഷയത്തില്‍ പ്ലാനിങ്/ആര്‍ക്കിടെക്ചര്‍ പിജി ബിരുദം ഉണ്ടായിരിക്കണം.
10 പോയന്റ് സ്‌കെയിലില്‍ കുറഞ്ഞത് 6.5 സിജിപി.എ/60 ശതമാനം മാര്‍ക്ക് പിജിക്ക് വേണം. പ്രവേശനപരീക്ഷ, പ്രസന്റേഷന്‍, ഇന്റര്‍വ്യൂ എന്നിവയുടെ അടിസ്ഥാനത്തിലാണ് പ്രവേശനം. തിരഞ്ഞെടുക്കപ്പെടുന്നവര്‍ക്ക് ഫെലോഷിപ്പ്/കണ്ടിന്‍ജന്റ് ഗ്രാന്റ് അനുവദിക്കും. അവസാന തിയ്യതി ജനുവരി ഒന്‍പത്.