ഓണ്‍ ലൈന്‍ പഠനം: വിദ്യാര്‍ഥികള്‍ക്ക് സ്മാര്‍ട്ട് ഫോണുകള്‍ വിതരണം ചെയ്തു
ഡിവിഷന്‍ 61 (രവിപുരം) കൗണ്‍സിലര്‍ എസ് ശശികലയുടെ നേതൃത്വത്തില്‍ കനേഡിയന്‍ കൊച്ചിന്‍ ക്ലബ്ബിന്റെ സഹകരണത്തോടെ ഡിവിഷനിലെ 16 വിദ്യാര്‍ഥികള്‍ക്ക് ഓണ്‍ലൈന്‍ പഠനത്തിന് സഹായകമാകുന്ന സ്മാര്‍ട്ട് ഫോണുകള്‍ വിതരണം ചെയ്തു
കൊച്ചി: കൊച്ചി മുനിസിപ്പല്‍ കോര്‍പറേഷന്‍ ഡിവിഷന്‍ 61 (രവിപുരം) കൗണ്‍സിലര്‍ എസ് ശശികലയുടെ നേതൃത്വത്തില്‍ കനേഡിയന്‍ കൊച്ചിന്‍ ക്ലബ്ബിന്റെ സഹകരണത്തോടെ ഡിവിഷനിലെ 16 വിദ്യാര്‍ഥികള്‍ക്ക് ഓണ്‍ലൈന്‍ പഠനത്തിന് സഹായകമാകുന്ന സ്മാര്‍ട്ട് ഫോണുകള്‍ വിതരണം ചെയ്തു. കനേഡിയന്‍ കൊച്ചിന്‍ ക്ലബ്ബാണ് ഈ സ്മാര്‍ട്ട് ഫോണുകള്‍ സ്‌പോണ്‍സര്‍ ചെയ്തിരിക്കുന്നത്.
ഡോ .ദേവീദാസ് വെള്ളോടി പദ്ധതിയെക്കുറിച്ചു വിശദീകരിച്ചു.ചലച്ചിത്രതാരം സിജോയ് വര്‍ഗീസ് ഉദ്ഘാടനം ചെയ്തു.കൗണ്‍സിലര്‍ എസ് ശശികല അധ്യക്ഷത വഹിച്ചു.ആദ്യകാല കൗണ്‍സിലര്‍, രമ ടീച്ചര്‍, കനേഡിയന്‍ കൊച്ചിന്‍ ക്ലബ്ബിലെ ഭാരവാഹികളായ സജീബ് കോയ, സജീഷ് ജോസഫ്, അരുണ്‍ കുമാര്‍ എന്നിവര്‍ ചേര്‍ന്ന് സ്മാര്‍ട്ട് ഫോണുകള്‍ വിതരണം ചെയ്തു.അരുണ്‍ കുമാര്‍ സ്വാഗതവും കനേഡിയന്‍ കൊച്ചിന്‍ ക്ലബ്ബ് പ്രസിഡന്റ് സജീബ് കോയ നന്ദിയും രേഖപ്പെടുത്തി.