അടുക്കത്ത്: ഗാന്ധി ജയന്തി ദിനത്തില്‍ എസ്ഡിപിഐ മരുതോങ്കര പഞ്ചായത്ത് കമ്മിറ്റിയുടെ നേതൃത്വത്തില്‍ സ്വന്തമായി റോഡോ വഴിയോ ഇല്ലാത്ത പ്രദേശത്തേയ്ക്ക് പുതിയ റോഡ് നിര്‍മിച്ച് നല്‍കി. അടുക്കത്ത് 14ാം വാര്‍ഡിലെ പത്തോളം കുടുംബങ്ങള്‍ താമസിക്കുന്ന കെസികെ മുക്ക്- തെയ്യമ്പാടി റോഡാണ് നിര്‍മിച്ചുനല്‍കിയത്. റോഡിന്റെ പ്രവൃത്തി ഉദ്ഘാടനം എസ്ഡിപിഐ നാദാപുരം നിയോജക മണ്ഡലം സെക്രട്ടറി ബഷീര്‍ ചീക്കോന്ന് നിര്‍വഹിച്ചു.
എസ്ഡിപിഐ മരുതോങ്കര പഞ്ചായത്ത് പ്രസിഡന്റ് സി വി അഷ്‌റഫ്, സെക്രട്ടറി വി പി റഫീഖ്, മണ്ണൂര്‍ ബ്രാഞ്ച് പ്രസിഡന്റ് കെ കെ നാസര്‍, സെക്രട്ടറി പി ടി മുനീര്‍, ജോയിന്റ് സെക്രട്ടറി കെ സി ജാഫര്‍, അടുക്കത്ത് ബ്രാഞ്ച് പ്രസിഡന്റ് വി ഹാരിസ്, സെക്രട്ടറി അഷ്‌റഫ് കെട്ടില്‍, ട്രഷറര്‍ അജ്മല്‍, കള്ളാട് ബ്രാഞ്ച് സെക്രട്ടറി ടി പി ശരീഫ്, ട്രഷറര്‍ ആബിദ് നസീര്‍, ആരിഫ് കാവില്‍, അബ്ബാസ്, അദീബ്, മുഹമ്മദ് എന്നിവര്‍ റോഡ് നിര്‍മാണ പ്രവൃത്തിക്ക് നേതൃത്വം നല്‍കി.