കണ്ണൂര്‍: സാധനം കടം കൊടുക്കാത്തതിന്റെ പേരില്‍ വിധവയായ സ്ത്രീ നടത്തുന്ന കടയ്ക്കു നേരെ അതിക്രമം നടത്തിയെന്നു പരാതി. കക്കാട് ശാദുലി പള്ളിക്ക് സമീപം ജസ്‌റീന്‍ ജനറല്‍ സ്‌റ്റോറിനു നേരെയാണ് അതിക്രമമുണ്ടായത്. കടയുടമയുടെ പരാതിയില്‍ പ്രദേശവാസിയായ താഹ എന്നയാള്‍ക്കെതിരേ കണ്ണര്‍ ടൗണ്‍ പോലിസ് കേസെടുത്തു. പലപ്പോഴായി സാധനങ്ങള്‍ കടം വാങ്ങുകയും തരാനുള്ള പണം ചോദിച്ചതുമായി ബന്ധപ്പെട്ട് ഇന്നലെ വൈകീട്ട് വാക്ക് തര്‍ക്കമുണ്ടാവുകയും ചെയ്തിരുന്നു. ഇന്ന് രാവിലെ കട തുറക്കാനെത്തിയപ്പോഴാണ് കട വരാന്തയിലുണ്ടായ സോഡാ കുപ്പികളും മേശയുമെല്ലാം തകര്‍ത്ത നിലയില്‍ കണ്ടത്. തുടര്‍ന്നാണ് കണ്ണൂര്‍ ടൗണ്‍ പോലിസ് സ്‌റ്റേഷനില്‍ പരാതി നല്‍കിയത്.
Violence against widow's shop in Kannur for non-payment of loans