കാസര്‍കോട് ജില്ലയില്‍ 215 പേര്‍ക്ക് കൂടി കൊവിഡ്; 556 പേര്‍ക്ക് രോഗമുക്തി
കാസര്‍കോട്: ജില്ലയില്‍ 215 പേര്‍ കൂടി കൊവിഡ് 19 പോസിറ്റീവായി. ചികില്‍സയിലുണ്ടായിരുന്ന 556 പേര്‍ക്ക് കൊവിഡ് നെഗറ്റീവായി. നിലവില്‍ 5159 പേരാണ് ചികില്‍സയിലുള്ളത്. 157 പോരാണ് ജില്ലയില്‍ കൊവിഡ് ബാധിച്ച് മരിച്ചത്. ജില്ലയില്‍ നിരീക്ഷണത്തിലുള്ളത് 22591 പേര്‍. വീടുകളില്‍ 21655 പേരും സ്ഥാപനങ്ങളില്‍ 936 പേരുമുള്‍പ്പെടെ ജില്ലയില്‍ ആകെ നിരീക്ഷണത്തിലുള്ളത് 22591 പേരാണ്. പുതിയതായി 1257 പേരെ കൂടി നിരീക്ഷണത്തിലാക്കി. സെന്റിനല്‍ സര്‍വേ അടക്കം പുതിയതായി 2176 സാംപിളുകള്‍ കൂടി പരിശോധനയ്ക്ക് അയച്ചു(ആര്‍ടിപിസിആര്‍-1356, ആന്റിജന്‍-802, ട്രൂനാറ്റ് 18). 450 പേരുടെ പരിശോധനാ ഫലം ലഭിക്കാനുണ്ട്. 1202 പേര്‍ നിരീക്ഷണ കാലയളവ് പൂര്‍ത്തിയാക്കി. പുതിയതായി ആശുപത്രികളിലും മറ്റു കൊവിഡ് കെയര്‍ സെന്ററുകളിലുമായി 417 പേര്‍ നിരീക്ഷണത്തില്‍ പ്രവേശിക്കപ്പെട്ടു. ആശുപത്രികളില്‍ നിന്നു കൊവിഡ് കെയര്‍ സെന്ററുകളില്‍ നിന്നും 556 പേരെ ഡിസ്ചാര്‍ജ് ചെയ്തു. 74704 പേര്‍ക്കാണ് ജില്ലയില്‍ ഇതുവരെ കൊവിഡ് സ്ഥിരീകരിച്ചത്. 68958 പേര്‍ക്ക് ഇതുവരെ കൊവിഡ് നെഗറ്റീവായി. ടെസ്റ്റ് പോസിറ്റീവിറ്റി നിരക്ക് 15 ശതമാനം.
covid updates in Kasargod