കോട്ടയം: നീന്തല്‍ പഠിക്കാന്‍ കുളത്തിലിറങ്ങിയ യുവാവ് മുങ്ങി മരിച്ചു. പുഴവാത് കൊട്ടാരച്ചിറ സ്വദേശി വിഷ്ണു (28) ആണ് മരിച്ചത്. സുഹൃത്തുക്കള്‍ക്കൊപ്പമാണ് വിഷ്ണു നീന്തല്‍ പഠിക്കാനെത്തിയത്.
ശനിയാഴ്ച വൈകീട്ടോടെ വാഴപ്പള്ളി വില്ലേജ് ഓഫിസിന് സമീപമുള്ള കുളത്തിലായിരുന്നു സംഭവം. സഹോദരന്‍ കണ്ണനും സുഹൃത്തുക്കളും വിഷ്ണുവിനൊപ്പമുണ്ടായിരുന്നു. നീന്തല്‍ പഠിക്കാന്‍ ശ്രമിക്കുന്നതിനിടെ ആഴമുള്ള ഭാഗത്തേക്കു പോയപ്പോഴാണ് അപകടമുണ്ടായത്. ഹോര്‍ട്ടികോര്‍പ് ജീവനക്കാരനാണ് വിഷ്ണു. ഭാര്യ: പ്രീതി, മകള്‍: ദക്ഷ.