ആലത്തിയൂരില്‍ നിര്‍ത്തിയിട്ട ഓട്ടോയില്‍ കാറിടിച്ച് ഓട്ടോ ഡ്രൈവര്‍ മരിച്ചു
തിരൂര്‍: ആലത്തിയൂരില്‍ നിര്‍ത്തിയിട്ട ഓട്ടോറിക്ഷയില്‍ അമിത വേഗതയില്‍ വന്ന കാറിടിച്ച് ഓട്ടോ ഡ്രൈവര്‍ മരിച്ചു. കുറ്റിപ്പുറം മൂടാല്‍ സ്വദേശി വകയില്‍ കമ്മു ആണ് മരിച്ചത്. ആലത്തിയൂരില്‍ വാഹനത്തിന്റെ അറ്റകുറ്റപ്പണികള്‍ക്കായി പോയപ്പോഴാണ് അപകടം സംഭവിച്ചത്.
കഴിഞ്ഞ ദിവസം വൈകുന്നേരം തിരൂര്‍ ആലത്തിയൂരിലാണ് ദാരുണമായ അപകടമുണ്ടായത്. ഉടന്‍ കോട്ടയ്ക്കല്‍ മിംസ് ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. മൃതദേഹം തിരൂര്‍ ജില്ലാ ആശുപത്രിയില്‍ പോസ്റ്റ്‌മോര്‍ട്ടത്തിന് ശേഷം വെള്ളിയാഴ്ച ഉച്ചയ്ക്ക് ശേഷം ഖബറടക്കും.