മലപ്പുറം ജില്ലയില്‍ ഇന്ന് 3,417 പേര്‍ക്ക് കൊവിഡ്; ടെസ്റ്റ് പോസിറ്റീവിറ്റി നിരക്ക് 18.46
3,674 പേര്‍ കൊവിഡ് ബാധക്കുശേഷം രോഗമുക്തരായി.
മലപ്പുറം: ജില്ലയില്‍ കൊവിഡ് ടെസ്റ്റ് പോസിറ്റീവിറ്റി നിരക്ക് ഉയരുന്നു. വെള്ളിയാഴ്ച 18.46 ശതമാനമാണ് ടിപിആര്‍ രേഖപ്പെടുത്തിയതെന്ന് ജില്ലാ മെഡിക്കല്‍ ഓഫിസര്‍ ഡോ. കെ സക്കീന അറിയിച്ചു. 3,417 പേര്‍ക്കാണ് വൈറസ്ബാധ സ്ഥിരീകരിച്ചത്. 3,674 പേര്‍ കൊവിഡ് ബാധക്കുശേഷം രോഗമുക്തരായി. ഇതോടെ വിദഗ്ധ പരിചരണത്തിനു ശേഷം ജില്ലയില്‍ കൊവിഡ് വിമുക്തരായി സാധാരണ ജീവിതത്തിലേക്ക് തിരിച്ചെത്തിയവരുടെ എണ്ണം 3,94,690 പേരായി. രോഗബാധ സ്ഥിരീകരിച്ചവരില്‍ 3,307 പേര്‍ രോഗികളുമായി നേരിട്ടുള്ള സമ്പര്‍ക്കത്തിലൂടെ വൈറസ് ബാധിതരായവരാണ്. 50 പേര്‍ക്ക് വൈറസ്ബാധയുണ്ടായതിന്റെ ഉറവിടം കണ്ടെത്താനായിട്ടില്ല.
വിദേശ രാജ്യങ്ങളില്‍ നിന്നെത്തിയ ആര്‍ക്കും വെള്ളിയാഴ്ച രോഗബാധ സ്ഥിരീകരിച്ചിട്ടില്ല. എന്നാല്‍ ഇതര സംസ്ഥാനങ്ങളില്‍ നിന്ന് ജില്ലയില്‍ തിരിച്ചെത്തിയ 60 പേര്‍ക്ക് കോവിഡ് സ്ഥിരീകരിച്ചിട്ടുണ്ട്. 73,332 പേര്‍ ജില്ലയില്‍ ഇപ്പോള്‍ നിരീക്ഷണത്തില്‍ കഴിയുന്നു.29,386 പേരാണ് ജില്ലയിലിപ്പോള്‍ കോവിഡ് ബാധിതരായി ചികിത്സയിലുള്ളത്. കോവിഡ് പ്രത്യേക ചികിത്സാ കേന്ദ്രങ്ങളായ ആശുപത്രികളില്‍ 768 പേരും കോവിഡ് ഫസ്റ്റ് ലൈന്‍ ട്രീറ്റ്‌മെന്റ് സെന്ററുകളില്‍ 564 പേരും 168 പേര്‍ കോവിഡ് സെക്കന്‍ഡ് ലൈന്‍ ട്രീറ്റ്‌മെന്റ് സെന്ററുകളിലുമാണ്. തദ്ദേശഭരണ സ്ഥാപനങ്ങള്‍ക്കു കീഴിലുള്ള പ്രത്യേക താമസ കേന്ദ്രങ്ങളായ ഡൊമിസിലിയറി കെയര്‍ സെന്ററുളില്‍ 475 പേരും ശേഷിക്കുന്നവര്‍ വീടുകളിലും മറ്റുമായും നിരീക്ഷണത്തില്‍ കഴിയുന്നു. ജില്ലയില്‍ ഇതുവരെ 1,636 പേരാണ് കോവിഡ് ബാധിതരായി മരിച്ചത്.
സ്വയ സുരക്ഷയ്ക്ക് ആരോഗ്യ ജാഗ്രത കര്‍ശനമായി പാലിക്കണം: ജില്ലാ മെഡിക്കല്‍ ഓഫീസര്‍
മലപ്പുറം ജില്ലയില്‍ കൊവിഡ് 19 വൈറസ് വ്യാപന നിരക്ക് വര്‍ധിക്കുന്ന സാഹചര്യത്തില്‍ സ്വയ സുരക്ഷയും സാമൂഹ്യ സുരക്ഷയും ഉറപ്പാക്കാന്‍ ആരോഗ്യ ജാഗ്രത കര്‍ശനമായി പാലിക്കണമെന്ന് ജില്ലാ മെഡിക്കല്‍ ഓഫീസര്‍ ഡോ. കെ സക്കീന. പൊതുജനാരോഗ്യ സംരക്ഷണം സാമൂഹ്യ ഉത്തരവാദിത്തമായി എല്ലാവരും ഏറ്റെടുക്കണം. വൈറസ് ബാധയേല്‍ക്കാനുള്ള സാധ്യത സജീവമായി നില്‍ക്കുകയാണ്. കോവിഡ് ബാധിതരുമായി സമ്പര്‍ക്കമുണ്ടായാലും രോഗലക്ഷണങ്ങളുണ്ടെങ്കിലും അത് മറച്ചുവെക്കരുത്. ആരോഗ്യ പ്രവര്‍ത്തകരുമായി ബന്ധപ്പെട്ട് പരിശോധനയ്ക്ക് വിധേയരാകണമെന്നും ആരോഗ്യ സുരക്ഷ ഉറപ്പു വരുത്തണമെന്നും ജില്ലാ മെഡിക്കല്‍ ഓഫീസര്‍ അഭ്യര്‍ഥിച്ചു.പൊതു സമ്പര്‍ക്കത്തില്‍ നിന്ന് പരമാവധി മാറി നില്‍ക്കുന്നതിലൂടെ കോവിഡ് വ്യാപനം വലിയയളവില്‍ ചെറുക്കാനാകും. അത്യാവശ്യ ഘട്ടങ്ങളില്ലാതെ ഒരു കാരണവശാലും വീടുകളില്‍ നിന്ന് പുറത്തിറങ്ങരുതെന്നും വീടുകളില്‍ അതീവ ജാഗ്രത തുടരണമെന്നും ജില്ലാ മെഡിക്കല്‍ ഓഫീസര്‍ ആവര്‍ത്തിച്ച് അറിയിച്ചു. ഏതെങ്കിലും വിധത്തിലുള്ള ആരോഗ്യ പ്രശ്‌നങ്ങളുണ്ടായാല്‍ അടുത്തുള്ള ആരോഗ്യ കേന്ദ്രം, ജില്ലാതല കണ്‍ട്രോള്‍ സെല്‍, ആരോഗ്യ പ്രവര്‍ത്തകര്‍ എന്നിവരുമായി ഫോണില്‍ ബന്ധപ്പെടണമെന്നും ഒരു കാരണവശാലും നേരിട്ട് ആശുപത്രികളില്‍ പോകരുത്. ജില്ലാതല കണ്‍ട്രോള്‍ സെല്ലില്‍ വിളിച്ച് ലഭിക്കുന്ന നിര്‍ദേശങ്ങള്‍ പൂര്‍ണമായും പാലിക്കണം.
ജില്ലാതല കണ്‍ട്രോള്‍ സെല്‍ നമ്പറുകള്‍: 0483 2737858, 2737857, 2733251, 2733252, 2733253. മലപ്പുറം ജില്ലയില്‍ വെള്ളിയാഴ്ച പ്രാദേശികാടിസ്ഥാനത്തില്‍ രോഗബാധിതരായവര്‍
എആര്‍ നഗര്‍ 25,ആലങ്കോട് 53, ആലിപ്പറമ്പ് 41, അമരമ്പലം 36, ആനക്കയം 32, അങ്ങാടിപ്പുറം 43, അരീക്കോട് 36, ആതവനാട് 18, ഊരകം 14, ചാലിയാര്‍ 28, ചീക്കോട് 83, ചേലേമ്പ്ര 21, ചെറിയമുണ്ടം 15, ചെറുകാവ് 17, ചോക്കാട് 25, ചുങ്കത്തറ 32, എടക്കര 31, എടപ്പറ്റ 08, എടപ്പാള്‍ 24, എടരിക്കോട് 09, എടവണ്ണ 39, എടയൂര്‍ 18, ഏലംകുളം 32, ഇരിമ്പിളിയം 11, കാലടി 09, കാളികാവ് 67, കല്‍പകഞ്ചേരി 13, കണ്ണമംഗലം 27, കരുളായി 18, കരുവാരക്കുണ്ട് 66, കാവനൂര്‍ 38, കീഴാറ്റൂര്‍ 51, കീഴുപറമ്പ് 25, കോഡൂര്‍ 36, കൊണ്ടോട്ടി 66, കൂട്ടിലങ്ങാടി 13, കോട്ടക്കല്‍ 43, കുറുവ 15, കുറ്റിപ്പുറം 45, കുഴിമണ്ണ 19, മക്കരപ്പറമ്പ് 07, മലപ്പുറം 74, മമ്പാട് 28, മംഗലം 31, മഞ്ചേരി 86, മങ്കട 44, മാറാക്കര 28, മാറഞ്ചേരി 57, മേലാറ്റൂര്‍ 28, മൂന്നിയൂര്‍ 22, മൂര്‍ക്കനാട് 64, മൂത്തേടം 45, മൊറയൂര്‍ 41, മുതുവല്ലൂര്‍ 23, നന്നമ്പ്ര 10, നന്നംമുക്ക് 11, നിലമ്പൂര്‍ 52, നിറമരുതൂര്‍ 63, ഒതുക്കുങ്ങല്‍ 24, ഒഴൂര്‍ 03, പള്ളിക്കല്‍ 24, പാണ്ടിക്കാട് 55, പരപ്പനങ്ങാടി 45, പറപ്പൂര്‍ 32, പെരിന്തല്‍മണ്ണ 54, പെരുമണ്ണ ക്ലാരി 23, പെരുമ്പടപ്പ് 21, പെരുവള്ളൂര്‍ 26, പൊന്മള 19, പൊന്മുണ്ടം 14, പൊന്നാനി 44, പൂക്കോട്ടൂര്‍ 47, പോരൂര്‍ 23, പോത്തുകല്ല് 38, പുലാമന്തോള്‍ 95, പുളിക്കല്‍ 52, പുല്‍പ്പറ്റ 33, പുറത്തൂര്‍ 03, പുഴക്കാട്ടിരി 19, താനാളൂര്‍ 27, താനൂര്‍ 02, തലക്കാട് 12, തവനൂര്‍ 17, താഴേക്കോട് 56, തേഞ്ഞിപ്പലം 17, തെന്നല 25, തിരുനാവായ 25, തിരുവാലി 50, തൃക്കലങ്ങോട് 41, തൃപ്രങ്ങോട് 35, തുവ്വൂര്‍ 36, തിരൂര്‍ 12, തിരൂരങ്ങാടി 22, ഊര്‍ങ്ങാട്ടിരി 23, വളാഞ്ചേരി 17, വളവന്നൂര്‍ 26, വള്ളിക്കുന്ന് 32, വട്ടംകുളം 12, വാഴക്കാട് 23, വാഴയൂര്‍ 08, വഴിക്കടവ് 55, വെളിയങ്കോട് 27, വേങ്ങര 55, വെട്ടത്തൂര്‍ 20, വെട്ടം, 23വണ്ടൂര്‍ 69.