മലപ്പുറം: പൗരത്വ ഭേദഗതി നിയമത്തിനെതിരേ ഭരണഘടനാ സംരക്ഷണത്തിനായി താഴെക്കോട് മേഖല ബഹുജന റാലിയും പൊതുസമ്മേളനവും നടത്തി. താഴെക്കോട് നിന്നാരംഭിച്ച ആയിരങ്ങള്‍ പങ്കെടുത്ത ബഹുജന റാലികരിങ്കല്ലത്താണിയില്‍ സമാപിച്ചു. റാലിക്ക് ജയരാജന്‍ മാസ്റ്റര്‍ നേതൃത്വം നല്‍കി. ജില്ലാ പഞ്ചായത്ത് പ്രസിഡന്റ് എ പി ഉണ്ണിക്കൃഷ്ണന്‍ പ്രതിജ്ഞ ചെല്ലിക്കൊടുത്തു. തുടര്‍ന്ന് നടന്ന പൊതുസമ്മേളനം പ്രഫ. കെ ആലിക്കുട്ടി മുസ് ല്യാര്‍ ഉദ്ഘാടനം ചെയ്തു. താഴെക്കോട് പഞ്ചായത്ത് പ്രസിഡന്റ് എ കെ നാസര്‍ അധ്യക്ഷത വഹിച്ചു. പി കെ കുഞ്ഞാലിക്കുട്ടി മുഖ്യപ്രഭാഷണം നടത്തി. കെ ശങ്കരനാരായണന്‍, മഞ്ഞളാംകുഴി അലി എംഎല്‍എ, സ്വാമി വിശ്വ ഭദ്രാനന്ദ ശക്തി ബോധി, ഫാദര്‍ ലീസ്‌റ്റേഴ്‌സ് ആന്റണി, പി സുരേന്ദ്രന്‍, അഡ്വ. ഹരീഷ് വാസുദേവന്‍, ബാബു കാര്‍ത്തികേയന്‍, എ ഫാറൂഖ്, നാലകത്ത് സൂപ്പി, എ കെ മുസ്തഫ, സക്കീര്‍ മാസ്റ്റര്‍ അരിമ്പ്ര, പി കെ സകരിയ്യ സ്വലാഹി, ഡോ. വി എം സാഫിര്‍, അബ്ദുല്‍ ഹമീദ് പറവൂര്‍, സത്താര്‍ പന്തല്ലൂര്‍, മദീന ജലീല്‍, മോഹന്‍ദാസ്, മൊയ്തുപ്പു സംസാരിച്ചു.