മൂര്‍ക്കനാട് സുബുലു സലാം ഹൈസ്‌കൂള്‍ 1980-81 എസ്എസ്എല്‍സി ബാച്ച് വിദ്യാര്‍ഥി സംഗമം
അരീക്കോട്: മൂര്‍ക്കനാട് സുബുലു സലാം ഹൈസ്‌കൂള്‍ 1980-81 എസ്എസ്എല്‍സി ബാച്ച് വിദ്യാര്‍ഥി സംഗമം നാളെ മൂര്‍ക്കനാട് ഹൈസ്‌കൂളില്‍ എഴുത്തുകാരന്‍ പി സുരേന്ദ്രന്‍ ഉദ്ഘാടനം ചെയ്യുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. അധ്യാപകരെ ആദരിക്കല്‍, സാംസ്‌കാരിക ചടങ്ങ്, കലാപരിപാടികള്‍ എന്നിവ നടക്കും. നാല് ഡിവിഷനുകളില്‍ നിന്നുള്ള 125 പേര്‍ പങ്കെടുക്കും. മതസൗഹാര്‍ദ സംഗമമാക്കി മാറ്റുകയാണു ലക്ഷ്യമെന്നു ഭാരവാഹികളായ എം എ സുഹൈല്‍, തോമസ് പോള്‍, എ അക്ബറലി എന്നിവര്‍ പറഞ്ഞു.