പെരിന്തല്‍മണ്ണ: ജനുവരി 28,29,30 തിയ്യതികളില്‍ നടത്താന്‍ നിശ്ചയിച്ചിരുന്ന പട്ടിക്കാട് ജാമിഅ നൂരിയ്യ അറബിയ്യ 59ാം വാര്‍ഷിക 57ാം സനദ് ദാന സമ്മേളനം മാറ്റിവച്ചതായി ജാമിഅ ജനറല്‍ സെക്രട്ടറി പാണക്കാട് സയ്യിദ് സാദിഖലി ശിഹാബ് തങ്ങള്‍ അറിയിച്ചു.
കൊവിഡ് സാഹചര്യവും സര്‍ക്കാര്‍ നിയന്ത്രണങ്ങളും പരിഗണിച്ചാണ് സമ്മേളനം മാറ്റിവയ്ക്കുന്നത്. കൊവിഡ് വ്യാപന രൂക്ഷത കുറയുന്നത് അനുസരിച്ച് ഏറ്റവും അടുത്ത സമയത്ത് തന്നെ സമ്മേളനം നടത്തുന്നതാണെന്നും അദ്ദേഹം അറിയിച്ചു.