പെരിന്തല്‍മണ്ണ: സുഹൃത്തുക്കളോടൊപ്പം കുളത്തില്‍ കുളിക്കാനിറങ്ങിയ വിദ്യാര്‍ഥി മുങ്ങി മരിച്ചു. പന്തല്ലൂര്‍ ഹില്‍സ് വീണപറമ്പിലെ വേങ്ങാപ്പള്ളി ഷിജി എന്ന വര്‍ഗീസ് ആന്റണി- ഷൈനി ദമ്പതികളുടെ മകനും പുത്തനങ്ങാടി സെന്റ് മേരീസ് കോളജിലെ ബിസിഎ വിദ്യാര്‍ഥിയുമായ നിതിന്‍ വര്‍ഗീസ് (19) ആണ് മരിച്ചത്.
ക്ലാസ് കഴിഞ്ഞ് സുഹൃത്തുക്കളോടെപ്പം കുരുവമ്പലെത്തെ കോരങ്ങാട് കുളത്തില്‍ കുളിക്കാന്‍ പോയതായിരുന്നു. ഇതിനിടെയാണ് അപകടമുണ്ടായത്. നിയമനടപടികള്‍ക്ക് ശേഷം സംസ്‌കാരം നടക്കും. സഹോദരിമാര്‍: അനീഷ, ലന.