കൗമാര ഫുട്‌ബോള്‍ താരം ശ്യാംജിത്ത് ലാല്‍ മരിച്ചു
കളിക്കിടെയുണ്ടായ പരിക്കിന്റെ പിടിയിലായിരുന്ന ശ്യാംജിത്ത് ഇത് വക വയ്ക്കാതെ കളി തുടരുകയായിരുന്നു
മലപ്പുറം: സംസ്ഥാന ജൂനിയര്‍ ഫുട്‌ബോള്‍ മുന്‍ താരം കാന്‍സറിന് മുന്നില്‍ കീഴടങ്ങി. കോഴിക്കോട് കൊയിലാണ്ടി ബീച്ചിന് സമീപം ഏഴുകുടിക്കല്‍ ശ്യാംജിത്‌ലാല്‍(22) ആണ് ഇന്നു രാവിലെ കോഴിക്കോട് മെഡിക്കല്‍ കോളജ് ആശുപത്രിയില്‍ മരിച്ചത്. കേരളത്തിനുവേണ്ടി ഒരു തവണ സബ്ജൂനിയറും രണ്ട് തവണ ജൂനിയര്‍ ചാംപ്യന്‍ഷിപ്പും കളിച്ചിട്ടുണ്ട്. കളിക്കിടെയുണ്ടായ പരിക്കിന്റെ പിടിയിലായിരുന്ന ശ്യാംജിത്ത് ഇത് വക വയ്ക്കാതെ കളി തുടരുകയായിരുന്നു. ഇതിനിടെയാണ് മജ്ജയ്ക്കു കാന്‍സര്‍ പിടികൂടിയത്. മികച്ച മിഡ്ഫീല്‍ഡറായിരുന്നു. സെപ്റ്റ് വഴിയാണ് ശ്യാംജിത് കളിയാരംഭിച്ചത്. മൃതദേഹം മെഡിക്കല്‍ കോളജ് ആശുപത്രി മോര്‍ച്ചറിയില്‍.