കോട്ടോപ്പാടം: കൊമ്പത്ത് പോപുലര്‍ ഫ്രണ്ട് കോട്ടോപ്പാടം ഡിവിഷന്‍ കമ്മിറ്റിയുടെ നേതൃത്വത്തില്‍ കബഡി മല്‍സരം സംഘടിപ്പിച്ചു. കബഡി മത്സരം പോപുലര്‍ ഫ്രണ്ട് ഓഫ് ഇന്ത്യ പാലക്കാട് നോര്‍ത്ത് ജില്ലാ പ്രസിഡന്റ് ഉമര്‍ മൗലവി ഉദ്ഘടാന്‍ ചെയ്തു. തുടര്‍ന്ന് അദ്ദേഹം ആരോഗ്യബോധവല്‍ക്കരണത്തിന്റെ ഭാഗമായി ആരോഗ്യസംരക്ഷണത്തെക്കുറിച്ചും ആരോഗ്യസംരക്ഷണത്തിന് യുവാക്കള്‍ നല്‍കേണ്ട പ്രാധാന്യത്തെക്കുറിച്ചും സംസാരിച്ചു.
ആരോഗ്യമുള്ള ജനതയാണ് ആരോഗ്യമുള്ള രാഷ്ട്രത്തിനാവശ്യമെന്നും ആരോഗ്യമുള്ള രാഷ്ട്രത്തിനായി അണിചേരണമെന്നും അദ്ദേഹം കൂട്ടിച്ചേര്‍ത്തു. ഷഫീഖ് കോമ്പം, ശറഫുദ്ദീന്‍ കൊടക്കാട് എന്നിവര്‍ കബഡി മല്‍സരം നിയന്ത്രിച്ചു. പോപുലര്‍ ഫ്രണ്ട് കോട്ടോപ്പാടം ഡിവിഷന്‍ പ്രസിഡന്റ് നൗഫല്‍, ആര്യമ്പാവ് ഡിവിഷന്‍ സെക്രട്ടറി ഷിനാജ്, വിവിധ ഏരിയാ ഭാരവാഹികള്‍ പങ്കെടുത്തു.