വയനാട്ടില്‍ 138 പേര്‍ക്ക് കൂടി കൊവിഡ്; 314 പേര്‍ക്ക് രോഗമുക്തി, ടെസ്റ്റ് പോസിറ്റിവിറ്റി റേറ്റ് 7.13
136 പേര്‍ക്ക് സമ്പര്‍ക്കത്തിലൂടെയാണ് രോഗബാധ. ഒരു ആരോഗ്യ പ്രവര്‍ത്തകര്‍ക്കും രോഗം സ്ഥിരീകരിച്ചു.
കല്‍പ്പറ്റ: വയനാട് ജില്ലയില്‍ ഇന്ന് 138 പേര്‍ക്ക് കൂടി കൊവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫിസര്‍ ഡോ. ആര്‍ രേണുക അറിയിച്ചു. 314 പേര്‍ രോഗമുക്തി നേടി. ടെസ്റ്റ് പോസിറ്റിവിറ്റി റേറ്റ് 7.13 ആണ്. 136 പേര്‍ക്ക് സമ്പര്‍ക്കത്തിലൂടെയാണ് രോഗബാധ. ഒരു ആരോഗ്യ പ്രവര്‍ത്തകര്‍ക്കും രോഗം സ്ഥിരീകരിച്ചു. ഇതോടെ ജില്ലയില്‍ കോവിഡ് സ്ഥിരീകരിച്ചവരുടെ എണ്ണം 66262 ആയി. 62808 പേര്‍ ഇതുവരെ രോഗമുക്തരായി. നിലവില്‍ 3054 പേരാണ് ജില്ലയില്‍ ചികിത്സയിലുള്ളത്. ഇവരില്‍ 2036 പേര്‍ വീടുകളിലാണ് ഐസൊലേഷനില്‍ കഴിയുന്നത്.
രോഗം സ്ഥിരീകരിച്ചവര്‍
മുള്ളന്‍കൊല്ലി 14, വെള്ളമുണ്ട 13, തിരുനെല്ലി 12, തവിഞ്ഞാല്‍ 10, ബത്തേരി, മാനന്തവാടി 9 വീതം, കണിയാമ്പറ്റ, പൂതാടി 8 വീതം, അമ്പലവയല്‍, മേപ്പാടി 7 വീതം, മീനങ്ങാടി, വൈത്തിരി 5 വീതം, കോട്ടത്തറ, നെന്മേനി 4 വീതം, എടവക, കല്‍പ്പറ്റ, മൂപ്പൈനാട്, മുട്ടില്‍, 3 വീതം, പടിഞ്ഞാറത്തറ, പൊഴുതന, പുല്‍പള്ളി, തൊണ്ടര്‍നാട് 2 വീതം, പനമരം സ്വദേശിയായ ഒരാള്‍ക്കുമാണ് സമ്പര്‍ക്കത്തിലൂടെ രോഗം സ്ഥിരീകരിച്ചത്. കൂടാതെ ഇതരസംസ്ഥാനത്തു നിന്നും എത്തിയ ഒരു ബംഗാള്‍ സ്വദേശിക്കും ഒരു തമിഴ്‌നാട് സ്വദേശിക്കും രോഗം സ്ഥിരീകരിച്ചു.
314 പേര്‍ക്ക് രോഗമുക്തി
ആശുപത്രിയില്‍ ചികിത്സയിലായിരുന്ന 17 പേരും വീടുകളില്‍ ചികിത്സയി ലായിരുന്ന 297 പേരുമാണ് രോഗം ഭേദമായി ഡിസ്ചാര്‍ജ് ആയത്.
863 പേര്‍ പുതുതായി നിരീക്ഷണത്തില്‍
കൊവിഡുമായി ബന്ധപ്പെട്ട് ജില്ലയില്‍ ഇന്ന് (05.07.21) പുതുതായി നിരീക്ഷണത്തിലായത് 863 പേരാണ്. 765 പേര്‍ നിരീക്ഷണകാലം പൂര്‍ത്തിയാക്കി. നിലവില്‍ നിരീക്ഷണത്തിലുള്ളത് 11652 പേര്‍. ഇന്ന് പുതുതായി 28 പേര്‍ ആശുപത്രിയില്‍ നിരീക്ഷണത്തിലായി. ജില്ലയില്‍ നിന്ന് 602 സാമ്പിളുകളാണ് ഇന്ന് പരിശോധനയ്ക്ക് അയച്ചത്. ഇതുവരെ 516006 സാമ്പിളുകളാണ് പരിശോധനയ്ക്ക് അയച്ചത്. ഇതില്‍ 498927 എണ്ണത്തിന്റെ ഫലം ലഭിച്ചു. 432665 പേര്‍ നെഗറ്റീവും 66262 പേര്‍ പോസിറ്റീവുമാണ്.