വയനാട്ടില്‍ 265 പേര്‍ക്ക് കൂടി കൊവിഡ്; ടെസ്റ്റ് പോസിറ്റിവിറ്റി റേറ്റ് 16.76
542 പേര്‍ രോഗമുക്തി നേടി. ടെസ്റ്റ് പോസിറ്റിവിറ്റി റേറ്റ് 16.76 ആണ്. 261 പേര്‍ക്ക് സമ്പര്‍ക്കത്തിലൂടെയാണ് രോഗബാധ.
കല്‍പ്പറ്റ: വയനാട് ജില്ലയില്‍ ഇന്ന് 265 പേര്‍ക്ക് കൂടി കൊവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫിസര്‍ ഡോ. ആര്‍ രേണുക അറിയിച്ചു. 542 പേര്‍ രോഗമുക്തി നേടി. ടെസ്റ്റ് പോസിറ്റിവിറ്റി റേറ്റ് 16.76 ആണ്. 261 പേര്‍ക്ക് സമ്പര്‍ക്കത്തിലൂടെയാണ് രോഗബാധ. ഇതോടെ ജില്ലയില്‍ കൊവിഡ് സ്ഥിരീകരിച്ചവരുടെ എണ്ണം 89581 ആയി. 82605 പേര്‍ ഇതുവരെ രോഗമുക്തരായി. നിലവില്‍ 6339 പേരാണ് ജില്ലയില്‍ ചികിത്സയിലുള്ളത്. ഇവരില്‍ 5015 പേര്‍ വീടുകളിലാണ് ഐസൊലേഷനില്‍ കഴിയുന്നത്.
രോഗം സ്ഥിരീകരിച്ചവര്‍
കല്‍പ്പറ്റ 81 പേര്‍, മാനന്തവാടി 23, ബത്തേരി 19, മീനങ്ങാടി 16, നെന്മേനി 12, കണിയാമ്പറ്റ, നൂല്‍പ്പുഴ 11 വീതം, പൂതാടി, എടവക 9 വീതം, പനമരം 8, തവിഞ്ഞാല്‍, മുള്ളന്‍കൊല്ലി, മേപ്പാടി ഏഴ് വീതം, പുല്‍പ്പള്ളി, വെങ്ങപ്പള്ളി, തിരുനെല്ലി, അമ്പലവയല്‍ ആറു വീതം, വെള്ളമുണ്ട 5, മുട്ടില്‍, കോട്ടത്തറ നാലു വീതം, പടിഞ്ഞാറത്തറ 2, തൊണ്ടര്‍നാട്, വൈത്തിരി സ്വദേശികളായ ഓരോരുത്തരുമാണ് സമ്പര്‍ക്കത്തിലൂടെ രോഗബാധിതരായത്.
3 തമിഴ്‌നാട് സ്വദേശികളും, കര്‍ണാടകയില്‍ നിന്നെത്തിയ ഒരാളുമാണ് ഇതര സംസ്ഥാനങ്ങളില്‍ നിന്നു വന്ന് രോഗ ബാധിതരായത്.
542 പേര്‍ക്ക് രോഗമുക്തി
ആശുപത്രിയില്‍ ചികിത്സയിലായിരുന്ന 42 പേരും, വീടുകളില്‍ നിരീക്ഷണത്തിലായിരുന്ന 500 പേരുമാണ് രോഗമുക്തരായത്.
1212 പേര്‍ പുതുതായി നിരീക്ഷണത്തില്‍
കോവിഡുമായി ബന്ധപ്പെട്ട് ജില്ലയില്‍ ഇന്ന് (22.08.21) പുതുതായി നിരീക്ഷണത്തിലായത് 1212 പേരാണ്. 932 പേര്‍ നിരീക്ഷണകാലം പൂര്‍ത്തിയാക്കി. നിലവില്‍ നിരീക്ഷണത്തിലുള്ളത് 17043 പേര്‍. ഇന്ന് പുതുതായി 67 പേര്‍ ആശുപത്രിയില്‍ നിരീക്ഷണത്തിലായി. ജില്ലയില്‍ നിന്ന് 1129 സാമ്പിളുകളാണ് ഇന്ന് പരിശോധനയ്ക്ക് അയച്ചത്. ഇതുവരെ 664003 സാമ്പിളുകളാണ് പരിശോധനയ്ക്ക് അയച്ചത്. ഇതില്‍ 631870 എണ്ണത്തിന്റെ ഫലം ലഭിച്ചു. 542289 പേര്‍ നെഗറ്റീവും 89581 പേര്‍ പോസിറ്റീവുമാണ്.