ജിദ്ദയില്‍ മരണപ്പെട്ട നിലമ്പൂര്‍ മൂത്തേടം സ്വദേശിയെ ദഹബാനില്‍ സംസ്‌കരിച്ചു
ജിദ്ദ: ജിദ്ദയില്‍ മരണപ്പെട്ട നിലമ്പൂര്‍ മൂത്തേടം സ്വദേശിയെ ദഹബാനില്‍ ഖബര്‍സ്ഥാനില്‍ സംസ്‌കരിച്ചു.നിലമ്പൂര്‍ മൂത്തേടം ചെട്ടിയാരങ്ങാടി സ്വദേശി കൊല്ലറമ്പന്‍ ഉസ്മാന്‍ (49) കൊവിഡ് ചികില്‍സയിലിരിക്കെ ജിദ്ദയില്‍ കഴിഞ്ഞ ദിവസം മരണപ്പെട്ടത്.
കൊവിഡ് പോസിറ്റീവ് ആയ ശേഷം കിംഗ് ഫഹദ് ആശുപത്രിയില്‍ കഴിഞ്ഞ 18 ദിവസമായി ചികില്‍സയിലായിരുന്നു. കഴിഞ്ഞ 25 വര്‍ഷമായി സൗദിയിലുള്ള ഉസ്മാന്‍ ബേക്കറി ജീവനക്കാരനായിരുന്നു.
പരേതനായ കൊല്ലറമ്പന്‍ അബൂബക്കറിന്റെ മകന്‍ ഉസ്മാന്‍ അവസാന അവധി കഴിഞ്ഞ് വന്നിട്ട് മൂന്ന് വര്‍ഷമായിരുന്നു. നാട്ടില്‍ പോകാനുള്ള തയാറെടുപ്പിനിടെയാണ് കൊവിഡ് ബാധിതനായത്.
ഭാര്യ: ഫൗസിയ (40), മക്കള്‍: ഉനൈസ് ബാബു (21), ജഹാന ഷറിന്‍ (15), ഫാതിമ നിന്‍സാന (14), മുഹമ്മദ് മുബീനുല്‍ ഹഖ് (11), മെഹദിയ (4).
നിയമ നടപടിക്രമങ്ങള്‍ക്കു ശേഷം വ്യാഴാഴ്ച വൈകുന്നേരം നാലരക്ക് ദഹബാന്‍ ഖബര്‍സ്ഥാനില്‍ മറവു ചെയ്തു. ഐസിഎഫ് വെല്‍ഫെയര്‍ വിംഗ് ചീഫ് അബ്ബാസ് ചെങ്ങാനിയുടെ നേതൃത്വത്തില്‍ ഡോക്യുമെന്റേഷന്‍ വര്‍ക്കുകള്‍ പൂര്‍ത്തിയാക്കി. ഹാഫിള് ഫൈസി ജനാസ നിസ്‌ക്കാരത്തിന് നേതൃത്വം നല്‍കി.