റിയാദ്: സ്റ്റുഡന്റ്‌സ് ഫ്രറ്റേണിറ്റി ഫോറം റിയാദ് ഘടകത്തിന്റെ ആഭിമുഖ്യത്തില്‍ റിയാദില്‍ കുട്ടികള്‍ക്കായുള്ള 'കുസൃതിക്കൂട്ടം 2022' സംഘടിപ്പിച്ചു. റിയാദിലെ എക്‌സിറ്റ് പതിനെട്ടിലെ ഇസ്തിറാഹയില്‍ നടന്ന 'കുസൃതിക്കൂട്ടം' വിന്റര്‍ ഫെസ്റ്റ് ഇന്ത്യാ ഫ്രറ്റേണിറ്റി ഫോറം ജില്ലാ സമിതി അംഗം മുജീബ് മജീദ് ഉദ്ഘാടനം ചെയ്തു. റിയാദിലെ വിവിധ പ്രദേശങ്ങളില്‍ നിന്നുള്ള നിരവധി കുട്ടികള്‍ പങ്കെടുത്തു.
വിന്റര്‍ ഫെസ്റ്റിന്റെ ഭാഗമായി വിവിധ കലാപരിപാടികളും, മത്സരങ്ങളും നടന്നു. മത്സര വിജയികള്‍ക്ക് സമ്മാനങ്ങളും, പരിപാടിയില്‍ പങ്കെടുത്ത കുട്ടികള്‍ക്ക് പ്രോത്സാഹന സമ്മാനങ്ങളും വിതരണം ചെയ്തു.
സ്റ്റുഡന്റ് ഫ്രറ്റേണിറ്റി ഫോറം റിയാദ് ഘടകം അഡ്‌ഹോക് കമ്മിറ്റി രൂപീകരിച്ചു. സ്റ്റുഡന്റ്‌സ് ഫ്രറ്റേണിറ്റി ചീഫ് മെന്റര്‍ റസാക്ക് വല്ലപ്പുഴ, റഹീം ആലപ്പുഴ എന്നിവര്‍ പരിപാടികള്‍ നിയന്ത്രിച്ചു.