തൃശൂര്‍: തൃശൂര്‍ ജില്ലയിലെ 425 പേര്‍ക്ക് കൂടി തിങ്കളാഴ്ച കൊവിഡ്19 സ്ഥിരീകരിച്ചു. 285 പേര്‍ രോഗമുക്തരായി. ജില്ലയില്‍ രോഗബാധിതരായി ചികിത്സയില്‍ കഴിയുന്നവരുടെ എണ്ണം 7,418 ആണ്. തൃശൂര്‍ സ്വദേശികളായ 163 പേര്‍ മറ്റു ജില്ലകളിലെ ആശുപത്രികളില്‍ ചികിത്സയില്‍ കഴിയുന്നു. ജില്ലയില്‍ ഇതുവരെ കൊവിഡ് സ്ഥിരീകരിച്ചവരുടെ എണ്ണം 17,063 ആണ്. അസുഖബാധിതരായ 9,499 പേരെയാണ് ആകെ രോഗമുക്തരായി ആശുപത്രികളില്‍ നിന്ന് ഡിസ്ചാര്‍ജ് ചെയ്തത്.
തിങ്കളാഴ്ച ജില്ലയില്‍ സമ്പര്‍ക്കം വഴി 422 പേര്‍ക്കാണ് കൊവിഡ് സ്ഥിരീകരിച്ചത്. ഇതില്‍ 6 കേസുകളുടെ ഉറവിടം അറിയില്ല. ജില്ലയില്‍ 6 സമ്പര്‍ക്ക ക്ലസ്റ്ററുകള്‍ വഴി തിങ്കളാഴ്ച കൊവിഡ് റിപോര്‍ട്ട് ചെയ്തു.
ക്ലസ്റ്ററുകള്‍: മെഡിക്കല്‍ കോളജ് ക്ലസ്റ്റര്‍ (2 ആരോഗ്യ പ്രവര്‍ത്തകര്‍ ഉള്‍പ്പെടെ) 3, ശക്തന്‍ മാര്‍ക്കറ്റ് ക്ലസ്റ്റര്‍ 2, ബി.ആര്‍.ഡി കുന്നംകുളം ക്ലസ്റ്റര്‍ 2, ദയ ഹോസ്പിറ്റല്‍ ക്ലസ്റ്റര്‍ 2, ലിയോ മെഡിക്കല്‍സ് കുട്ടനെല്ലൂര്‍ ക്ലസ്റ്റര്‍ 1, വലപ്പാട് കോ ഓപറേറ്റീവ് ബാങ്ക് ക്ലസ്റ്റര്‍ 1.
മറ്റ് സമ്പര്‍ക്ക കേസുകള്‍ 398. കൂടാതെ 6 ആരോഗ്യ പ്രവര്‍ത്തകര്‍ക്കും 1 ഫ്രന്റ് ലൈന്‍ വര്‍ക്കര്‍ക്കും വിദേശത്തുനിന്നു വന്ന 2 പേര്‍ക്കും മറ്റ് സംസ്ഥാനങ്ങളില്‍നിന്ന് വന്ന ഒരാള്‍ക്കും കൊവിഡ് സ്ഥിരീകരിച്ചു.
രോഗികളില്‍ 60 വയസ്സിന് മുകളില്‍ 24 പുരുഷന്‍മാരും 34 സ്ത്രീകളും 10 വയസ്സിന് താഴെ 16 ആണ്‍കുട്ടികളും 8 പെണ്‍കുട്ടികളുമുണ്ട്.
കൊവിഡ് സ്ഥിരീകരിച്ച് ജില്ലയിലെ വിവിധ ആശുപത്രികളിലും സി.എഫ്.എല്‍.ടിസികളിലും പ്രവേശിപ്പിച്ചവര്‍:
ഗവ. മെഡിക്കല്‍ കോളേജ് തൃശൂര്‍263, സി.എഫ്.എല്‍.ടി.സി ഇ.എസ്.ഐസി.ഡി മുളങ്കുന്നത്തുകാവ്42, എം.സി.സി.എച്ച് മുളങ്കുന്നത്തുകാവ്55, കില ബ്ലോക്ക് 1 മുളങ്കുന്നത്തുകാവ്68, കില ബ്ലോക്ക് 2 മുളങ്കുന്നത്തുകാവ്68, സെന്റ് ജെയിംസ് അക്കാദമി, ചാലക്കുടി229, വിദ്യ സി.എഫ്.എല്‍.ടി.സി ബ്ലോക്ക് 1 വേലൂര്‍109, വിദ്യ സി.എഫ്.എല്‍.ടി.സി ബ്ലോക്ക് 2 വേലൂര്‍238, സി.എഫ്.എല്‍.ടി.സി കൊരട്ടി71, പി.സി. തോമസ് ഹോസ്റ്റല്‍ തൃശൂര്‍ 272, സി.എഫ്.എല്‍.ടി.സി നാട്ടിക 700, പി.എസ്.എം. ഡെന്റല്‍ കോളേജ് അക്കികാവ് 100, എം.എം.എം. കോവിഡ് കെയര്‍ സെന്റര്‍ തൃശൂര്‍76, ജി.എച്ച് തൃശൂര്‍38, കൊടുങ്ങല്ലൂര്‍ താലൂക്ക് ആശുപത്രി66, ചാവക്കാട് താലൂക്ക് ആശുപത്രി49, ചാലക്കുടി താലൂക്ക് ആശുപത്രി 18, കുന്നംകുളം താലൂക്ക് ആശുപത്രി24, ജി.എച്ച്. ഇരിങ്ങാലക്കുട16, ഡി.എച്ച്. വടക്കാഞ്ചേരി6, അമല ആശുപത്രി 60, 21 ജൂബിലി മിഷന്‍ മെഡിക്കല്‍ കോളേജ് തൃശൂര്‍ 87, മദര്‍ ആശുപത്രി 14, എലൈറ്റ് ഹോസ്പിറ്റല്‍ തൃശൂര്‍ 3, ഇരിങ്ങാലക്കുട കോഓപ്പറേറ്റീവ് ആശുപത്രി1, രാജാ ആശുപത്രി ചാവക്കാട് 1, സെന്റ് ജെയിംസ് ഹോസ്പിറ്റല്‍ ചാലക്കുടി 9, മലങ്കര ഹോസ്പിറ്റല്‍ കുന്നംകുളം 4, റോയല്‍ ഹോസ്പിറ്റല്‍ കുന്നംകുളം 2, സെന്റ് ആന്റണിസ് പഴുവില്‍ 3, അന്‍സാര്‍ ഹോസ്പിറ്റല്‍ പെരുമ്പിലാവ് 6, യൂണിറ്റി ഹോസ്പിറ്റല്‍ കുന്നംകുളം 11, സണ്‍ മെഡിക്കല്‍ റിസര്‍ച്ച് സെന്റര്‍ തൃശൂര്‍ 11.
4273 പേര്‍ വീടുകളില്‍ ചികിത്സയില്‍ കഴിയുന്നു. 777 പേര്‍ തിങ്കളാഴ്ച പുതിയതായി ചികിത്സയില്‍ പ്രവേശിച്ചതില്‍ 246 പേര്‍ ആശുപത്രിയിലും 531 പേര്‍ വീടുകളിലുമാണ്. തിങ്കളാഴ്ച 315 പേര്‍ക്ക് ആന്റിജന്‍ പരിശോധന നടത്തി. മൊത്തം 630 സാംപിളുകളാണ് തിങ്കളാഴ്ച പരിശോധിച്ചത്. ഇതുവരെ ആകെ 170,777 സാംപിളുകളാണ് പരിശോധനയ്ക്ക് അയച്ചത്.