കുവൈത്ത് സിറ്റി: കുവൈത്തില്‍ ഒരു ഇടവേളക്ക് ശേഷം കൊറോണ വൈറസ് ബാധയെ തുടര്‍ന്ന് മരിച്ചവരുടെ വീണ്ടും വര്‍ധിച്ചു. 6പേരാണ് ഇന്ന് മരിച്ചത്. ഇതോടെ രാജ്യത്ത് കൊവിഡ് ബാധിച്ച് മരിച്ചവരുടെ എണ്ണം 897 ആയി. 230പേര്‍ക്കാണ് 24 മണിക്കൂറിനുള്ളില്‍ രോഗം സ്ഥിരീകരിച്ചത്. ഇതടക്കം ഇന്നു വരെ ആകെ രോഗബാധിതരുടെ എണ്ണം 1,44,599 ആയി. 306പേര്‍ ഇന്ന് രോഗമുക്തരായി. ആകെ രോഗമുക്തരുടെ എണ്ണം 1,40,341.
നിലവില്‍ വിവിധ ആശുപത്രികളിലായി ചികില്‍സയില്‍ കഴിയുന്ന രോഗികളുടെ എണ്ണം 3,361ല്‍ എത്തി. തീവ്രപരിചരണ വിഭാഗത്തില്‍ കഴിയുന്ന രോഗികളുടെ എണ്ണവും ഗണ്യമായി കുറഞ്ഞ് 84ആയി. കഴിഞ്ഞ
24 മണിക്കൂറിനിടയില്‍ 4,626 പേരിലാണ് സ്രവപരിശോധന നടത്തിയത്. ഇതുവരെ സ്രവ പരിശോധന നടത്തിയവരുടെ എണ്ണം 1,46,420.