ആനത്തലവട്ടം ആനന്ദന്റെ പരാമര്‍ശം: സിപിഎം സംസ്ഥാന നേതൃത്വം നിലപാട് വ്യക്തമാക്കണമെന്ന് പിഡിപി
പാര്‍ട്ടി രൂപീകരണ കാലഘട്ടത്തില്‍ ഏറ്റവും ശക്തമായി സിപിഎം ആണ് പിഡിപിയെ എതിര്‍ത്തതെന്നും അബ്ദുന്നാസിര്‍ മഅ്ദനിയുടെ കയ്യും കാലും തല്ലിയൊടിച്ചതിന് ശേഷമാണ് നിലപാട് മയപ്പെട്ടതെന്നും പ്രസ്താവന നടത്തിയ ആനത്തലവട്ടത്തിന്റെ മനോനില തകരാറിലാണോ എന്ന് വിദഗ്ദ പരിശോധന നടത്താന്‍ സിപിഎം തയ്യാറാകണം.
തിരുവനന്തപുരം: പിഡിപി ചെയര്‍മാന്‍ അബ്ദുന്നാസിര്‍ മഅ്ദനിക്കെതിരേ സിപിഎം നേതാവ് ആനത്തലവട്ടം ആനന്ദന്‍ ഏഷ്യാനെറ്റ് ചാനല്‍ ചര്‍ച്ചയില്‍ നടത്തിയ പരാമര്‍ശത്തില്‍ സിപിഎം സംസ്ഥാന നേതൃത്വം നിലപാട് വ്യക്തമാക്കണമെന്ന് പിഡിപി കേന്ദ്രകമ്മിറ്റി. പാര്‍ട്ടി രൂപീകരണ കാലഘട്ടത്തില്‍ ഏറ്റവും ശക്തമായി സിപിഎം ആണ് പിഡിപിയെ എതിര്‍ത്തതെന്നും അബ്ദുന്നാസിര്‍ മഅ്ദനിയുടെ കയ്യും കാലും തല്ലിയൊടിച്ചതിന് ശേഷമാണ് നിലപാട് മയപ്പെട്ടതെന്നും പ്രസ്താവന നടത്തിയ ആനത്തലവട്ടത്തിന്റെ മനോനില തകരാറിലാണോ എന്ന് വിദഗ്ദ പരിശോധന നടത്താന്‍ സിപിഎം തയ്യാറാകണം.
ചാനല്‍ ചര്‍ച്ചകളിലും അല്ലാതെയും അനാവശ്യമായി മഅ്ദനിയേയും, പിഡിപിയേയും അഹഹേളിച്ച ആ നത്തലവട്ടം ആനന്ദന്റെയും എ എന്‍ ഷംസുദീന്റെയും അബ്ദുല്‍ റഹ്മാന്‍ രണ്ടാത്താണിയുടേയും ടി എന്‍ പ്രതാപന്‍ എംപിയുടേയും വസതികളിലേക്ക് നാളെ രാവിലെ 11ന് പിഡിപി ജില്ലാ കമ്മിറ്റികളുടെ നേതൃത്വത്തില്‍ പ്രതിഷേധ മാര്‍ച്ചുകള്‍ സംഘടിപ്പിക്കുമെന്നും സാബു കൊട്ടാരക്കര പറഞ്ഞു.