ശ്രീനഗര്‍: ശ്രീനഗറിലെ പാന്ത ചൗക്കില്‍ സുരക്ഷാസേനയുമായി ഏറ്റമുട്ടി മൂന്ന് സായുധര്‍ മരിച്ചു. മരിച്ചവരിലൊരാള്‍ ജെയ്‌ഷെ മുഹമ്മദ് പ്രവര്‍ത്തകനാണ്. സെവാന്‍ ആക്രമണത്തില്‍ പങ്കെടുത്തയാളാണ്.
''മരിച്ചവരില്‍ ഒരാളെ തിരിച്ചറിഞ്ഞു. ജെയ്‌ഷെ മുഹമ്മദ് പ്രവര്‍ത്തകന്‍ സുഹൈല്‍ അഹ്മദ് റാത്തറാണ് മരിച്ചത്. ഇയാള്‍ സെവാന്‍ സായുധാക്രമണത്തില്‍ പങ്കെടുത്തയാളാണ്- കശ്മീര്‍ പോലിസ് ഐജി വിജയ് കുമാര്‍ പറഞ്ഞു.
പരസ്പരമുള്ള ഏറ്റുമുട്ടലില്‍ മൂന്ന് പോലിസുകാര്‍ക്കും ഒരു സിആര്‍പിഎഫ് ജവാനും പരിക്കേറ്റു. പരിക്കേറ്റവരെ ആശുപത്രിയില്‍ പ്രവേശിപ്പിച്ചു.
വ്യാഴാഴ്ച രാത്രിയാണ് ഏറ്റുമുട്ടല്‍ നടന്നത്.
ഈ വര്‍ഷം നുഴഞ്ഞുകയറ്റത്തില്‍ കുറവുണ്ടായിട്ടുണ്ടെന്ന് 15 കോര്‍പ്‌സ് കമാന്‍ഡിങ് ജനറല്‍ ഓഫിസര്‍ ലഫ്റ്റനന്‍ര് ജനറല്‍ ജി പി പാണ്ഡെ പറഞ്ഞു.
സായുധര്‍ 15-16 വയസ്സുകാരെയാണ് പുതുതായി റിക്രേൂട്ട് ചെയ്യുന്നതെന്നും അദ്ദേഹം പറഞ്ഞു.