ലഖ്‌നോ: ഉത്തര്‍പ്രദേശില്‍ കഴിഞ്ഞ 24 മണിക്കൂറിനുള്ളില്‍ 1,401 പേര്‍ക്ക് കൊവിഡ് സ്ഥിരീകരിച്ചു. 4,80,965 പേര്‍ രോഗമുക്തരായി. നിലവില്‍ 22,967 സജീവ രോഗികളാണ് ഉള്ളത്.
''കഴിഞ്ഞ 24 മണിക്കൂറിനുളളില്‍ 1,401 പേര്‍ക്ക് കൊവിഡ് സ്ഥിരീകരിച്ചു. 22,967 സജീവരോഗികളാണ് സംസ്ഥാനത്തുള്ളത്. 4,80,965 പേര്‍ രോഗമുക്തരായി''- യുപി സര്‍ക്കാരിലെ ആരോഗ്യ കുടുംബക്ഷേമ വകുപ്പ് സെക്രട്ടറി അലോക് കുമാര്‍ ട്വീറ്റ് ചെയ്തു.
നിലവില്‍ സംസ്ഥാനത്തെ രോഗമുക്തി നിരക്ക് 94.06 ശതമാനമാണ്. കഴിഞ്ഞ ദിവസം മാത്രം 81,972 സാംപിളുകള്‍ പരിശോധനയ്ക്കയച്ചിരുന്നു.
രാജ്യത്ത് 41,100 പേര്‍ക്കാണ് ഇന്ന് മാത്രം കൊവിഡ് സ്ഥിരീകരിച്ചത്. രാജ്യത്തെ കൊവിഡ് ബാധിതരുടെ എണ്ണം 88,14,579 ആയി.