വയനാട് ജില്ലയില്‍ 158 പേര്‍ക്ക് കൂടി കൊവിഡ്; ടെസ്റ്റ് പോസിറ്റിവിറ്റി നിരക്ക് 7.32 ശതമാനം
കല്‍പ്പറ്റ: വയനാട് ജില്ലയില്‍ ഇന്ന് (03.12.21) 158 പേര്‍ക്ക് കൂടി കൊവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫിസര്‍ ഡോ. കെ.സക്കീന അറിയിച്ചു. 123 പേര്‍ രോഗമുക്തി നേടി. അഞ്ച് ആരോഗ്യ പ്രവര്‍ത്തകര്‍ ഉള്‍പ്പെടെ എല്ലാവര്‍ക്കും സമ്പര്‍ക്കത്തിലൂടെയാണ് രോഗബാധ. ജില്ലയിലെ ടെസ്റ്റ് പോസിറ്റിവിറ്റി നിരക്ക് 7.32 ശതമാനം ആണ്. ഇതോടെ ജില്ലയില്‍ ഇതുവരെ കൊവിഡ് സ്ഥിരീകരിച്ചവരുടെ എണ്ണം 1,32,951 ആയി. 1,30,362 പേര്‍ രോഗമുക്തരായി. നിലവില്‍ 1,784 പേരാണ് ചികിത്സയിലുള്ളത്. ഇവരില്‍ 1,644 പേര്‍ വീടുകളിലാണ് ഐസൊലേഷനില്‍ കഴിയുന്നത്. പുതുതായി നിരീക്ഷണ ത്തിലായ 1,332 പേര്‍ ഉള്‍പ്പെടെ ആകെ 13,221 പേര്‍ നിലവില്‍ നിരീക്ഷണത്തിലുണ്ട്. ജില്ലയില്‍ നിന്ന് 1,170 സാംപിളുകള്‍ ഇന്ന് പരിശോധനയ്ക്ക് അയച്ചതായി ജില്ലാ മെഡിക്കല്‍ ഓഫിസര്‍ അറിയിച്ചു.
രോഗം സ്ഥിരീകരിച്ചവര്‍
തവിഞ്ഞാല്‍ 17 , പുല്‍പ്പള്ളി 15 , മാനന്തവാടി 13 , കല്‍പ്പറ്റ , മീനങ്ങാടി , ബത്തേരി 10 വീതം , പൂതാടി 9 , കോട്ടത്തറ , മേപ്പാടി , മുള്ളന്‍കൊല്ലി 8 വീതം , കണിയാമ്പറ്റ , നെന്മേനി , വൈത്തിരി 6 വീതം , തിരുനെല്ലി 5 , പനമരം 4 , എടവക , നൂല്‍പ്പുഴ പടിഞ്ഞാറത്തറ , തൊണ്ടര്‍നാട് , വെള്ളമുണ്ട 3 വീതം , അമ്പലവയല്‍ , മുട്ടില്‍ , പൊഴുതന 2 വീതം , മൂപ്പൈനാട് , തരിയോട് ഒരോരുത്തര്‍ക്കുമാണ് സമ്പര്‍ക്കത്തിലൂടെ രോഗം സ്ഥിരീകരിച്ചത്.