വയനാട് ജില്ലയില്‍ 333 പേര്‍ക്ക് കൂടി കൊവിഡ്; ടെസ്റ്റ് പോസിറ്റിവിറ്റി നിരക്ക് 2.78 ശതമാനം
വയനാട്: വയനാട് ജില്ലയില്‍ 333 പേര്‍ക്ക് കൂടി കൊവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫിസര്‍ ഡോ. ആര്‍.രേണുക അറിയിച്ചു. 210 പേര്‍ രോഗമുക്തി നേടി. 9 ആരോഗ്യ പ്രവര്‍ത്തകര്‍ ഉള്‍പ്പെടെ 332 പേര്‍ക്ക് സമ്പര്‍ക്കത്തിലൂടെയാണ് രോഗബാധ. ജില്ലയിലെ ടെസ്റ്റ് പോസിറ്റിവിറ്റി നിരക്ക് 12.78 ശതമാനമാണ്.
ഇതോടെ ജില്ലയില്‍ കൊവിഡ് സ്ഥിരീകരിച്ചവരുടെ എണ്ണം 1,24,601 ആയി. 1,21,230 പേര്‍ ഇതുവരെ രോഗമുക്തരായി. നിലവില്‍ 2,504 പേരാണ് ജില്ലയില്‍ ചികിത്സയിലുള്ളത്. ഇവരില്‍ 2,349 പേര്‍ വീടുകളിലാണ് ഐസൊലേഷനില്‍ കഴിയുന്നത്.
രോഗം സ്ഥിരീകരിച്ചവര്‍
കോട്ടത്തറ 40, പുല്‍പ്പള്ളി 28, കല്‍പ്പറ്റ 27, മുട്ടില്‍ 21, മാനന്തവാടി, നെന്മേനി 20 വീതം, പനമരം 17, ബത്തേരി, തിരുനെല്ലി 16 വീതം, കണിയാമ്പറ്റ, തവിഞ്ഞാല്‍ 14 വീതം, വെള്ളമുണ്ട 13 , അമ്പലവയല്‍, എടവക, പടിഞ്ഞാറത്തറ 11 വീതം , മുള്ളന്‍കൊല്ലി 10 , പൂതാടി 9, മീനങ്ങാടി , വൈത്തിരി 7 വീതം , മേപ്പാടി 6 , തൊണ്ടര്‍നാട് 4 , പൊഴുതന 3, മൂപ്പൈനാട്, നൂല്‍പ്പുഴ, വെങ്ങപ്പള്ളി 2 വീതം, തരിയോട് ഒരാള്‍ക്കുമാണ്
സമ്പര്‍ക്കത്തിലൂടെ രോഗം സ്ഥിരീകരിച്ചത്. ഇതിനുപുറമെ മുംബൈയില്‍ നിന്ന് വന്ന എടവക സ്വദേശിക്കും രോഗം സ്ഥിരീകരിച്ചു.
210 പേര്‍ക്ക് രോഗമുക്തി
ആശുപത്രിയില്‍ ചികിത്സയിലായിരുന്ന 15 പേരും, വീടുകളില്‍ നിരീക്ഷണ ത്തിലായിരുന്ന 195 പേരുമാണ് രോഗമുക്തരായത്.
554 പേര്‍ പുതുതായി നിരീക്ഷണത്തില്‍
കൊവിഡുമായി ബന്ധപ്പെട്ട് ജില്ലയില്‍ പുതുതായി നിരീക്ഷണത്തിലായത് 554 പേരാണ്. 533 പേര്‍ നിരീക്ഷണകാലം പൂര്‍ത്തിയാക്കി. നിലവില്‍ നിരീക്ഷണത്തിലുള്ളത് 7,604 പേര്‍. ഇന്ന് പുതുതായി 19 പേര്‍ ആശുപത്രിയില്‍ നിരീക്ഷണത്തിലായി. ജില്ലയില്‍ നിന്ന് 1,343 സാംപിളുകളാണ് ഇന്ന് പരിശോധനയ്ക്ക് അയച്ചത്. ഇതുവരെ 8,27,652 സാംപിളുകളാണ് പരിശോധനയ്ക്ക് അയച്ചത്. ഇതില്‍ 8,26,835 എണ്ണത്തിന്റെ ഫലം ലഭിച്ചു. 7,02,234 പേര്‍ നെഗറ്റീവും 1,24,601 പേര്‍ പോസിറ്റീവുമാണ്.