ന്യൂഡല്‍ഹി: രാജ്യത്ത് 24 മണിക്കൂറിനുള്ളില്‍ 42,766 പേര്‍ക്ക് കൊവിഡ് സ്ഥിരീകരിച്ചു. 4,10,048 പേരാണ് സജീവ രോഗികള്‍. ആകെ രോഗബാധിതരുടെ 1.24 ശതമാനമാണ് ഇത്.
ഏറ്റവും കൂടുതല്‍ പേര്‍ക്ക് രോഗം സ്ഥിരീകരിച്ചത് കേരളത്തിലാണ്, 29,682 പേര്‍. 142 പേര്‍ കൊവിഡ് ബാധിച്ച് മരിക്കുകയും ചെയ്തു.
രാജ്യത്തെ രോഗമുക്തി നിരക്ക് 97.42 ശതമാനമാണ്. 38,091 പേര്‍ 24 മണിക്കൂറിനുള്ളില്‍ രോഗമുക്തരായി.
ഇതുവരെ രാജ്യത്ത് 3,21,38,092 പേര്‍ രോഗമുക്തരായി. പ്രതിവാര പോസിറ്റിവിറ്റി നിരക്ക് 2.66 ശതമാനമാണ്. പ്രതിവാര നിരക്ക് 3 ശതമാനത്തിനു താഴെയാവുന്നത് തുടര്‍ച്ചയായ 72ാം ദിവസമാണ്.
പ്രതിദിന പോസിറ്റിവിറ്റി നിരക്ക് 2.45 ശതമാനമാണ്.
ഇതുവരെ 68.46 കോടി ഡോസ് വാക്‌സിനാണ് രാജ്യത്താകമാനം വിതരണം ചെയ്തത്. 24 മണിക്കൂറിനുള്ളില്‍ 71,61,760 പേര്‍ക്കും വാക്‌സിന്‍ നല്‍കി.