വയനാട് ജില്ലയില്‍ 98 പേര്‍ക്ക് കൂടി കൊവിഡ്; ടെസ്റ്റ് പോസിറ്റിവിറ്റി നിരക്ക് 7.91 ശതമാനം
വയനാട്: ജില്ലയില്‍ ഇന്ന് (09.12.21) 98 പേര്‍ക്ക് കൂടി കൊവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫിസര്‍ ഡോ. കെ.സക്കീന അറിയിച്ചു. 182 പേര്‍ രോഗമുക്തി നേടി. 2 ആരോഗ്യ പ്രവര്‍ത്തകര്‍ ഉള്‍പ്പെടെ എല്ലാവര്‍ക്കും സമ്പര്‍ക്കത്തിലൂടെയാണ് രോഗബാധ. ജില്ലയിലെ ടെസ്റ്റ് പോസിറ്റിവിറ്റി റേറ്റ് 7.91 ആണ്. ഇതോടെ ജില്ലയില്‍ ഇതുവരെ കൊവിഡ് സ്ഥിരീകരിച്ചവരുടെ എണ്ണം 1,33,745 ആയി. 1,31,536 പേര്‍ രോഗമുക്തരായി. നിലവില്‍ 1,439 പേരാണ് ചികിത്സയിലുള്ളത്. ഇവരില്‍ 1,317 പേര്‍ വീടുകളിലാണ് ഐസൊലേഷനില്‍ കഴിയുന്നത്. പുതുതായി നിരീക്ഷണത്തിലായ 1,284 പേര്‍ ഉള്‍പ്പെടെ ആകെ 10,892 പേര്‍ നിലവില്‍ നിരീക്ഷണത്തിലുണ്ട്. ജില്ലയില്‍ നിന്ന് 956 സാംപിളുകള്‍ ഇന്ന് പരിശോധനയ്ക്ക് അയച്ചതായി ജില്ലാ മെഡിക്കല്‍ ഓഫിസര്‍ അറിയിച്ചു.
രോഗം സ്ഥിരീകരിച്ചവര്‍
ബത്തേരി 10, കല്‍പ്പറ്റ, മാനന്തവാടി 9 വീതം, നെന്മേനി, പുല്‍പ്പള്ളി 7 വീതം, മുട്ടില്‍, വെങ്ങപ്പള്ളി 6 വീതം, അമ്പലവയല്‍, മേപ്പാടി, പൊഴുതന 5 വീതം, മുള്ളന്‍കൊല്ലി, പടിഞ്ഞാറത്തറ 4 വീതം, പൂതാടി, തൊണ്ടര്‍നാട്, വെള്ളമുണ്ട 3 വീതം, എടവക, കണിയാമ്പറ്റ, തരിയോട്, തവിഞ്ഞാല്‍ 2 വീതം, കോട്ടത്തറ, നൂല്‍പ്പുഴ, മൂപ്പൈനാട്, വൈത്തിരി ഒരോരുത്തര്‍ക്കുമാണ് സമ്പര്‍ക്കത്തിലൂടെ രോഗം സ്ഥിരീകരിച്ചത്.